Eid-e-Meelaad-un-Nabi sallallāhu alaihi wa sallam ka bayaan :

Nisaar teri chahel pahel par hazaaro eiden Rabi ul awwal,
Siwa e Iblees ke sabhi to khushiyan mana rahe hain.

******************
Iblees 4 martaba sab se zyada roya hai :

(1) Jab us par la’anat bheji gai.
(2) Jab use (aasmaan se nikalkar) zameen par bheja gaya.
(3) Jab Huzoor Rasool-Allāh Sarwar e Kaunain sallallāhu alaihi wa sallam ki wilaadat (be’asat) hui.
(4) Jab Surah al-Faatiha naazil hui.

(Al-Bidaayah wal Nihaayah, Jild -2, Safa -166)

************
Qur’an :
93 Surah ad-Duha, Aayat 11 :

Aur apne Rab ki ne’amato ka khoob tazkeera karo.

Qur’an :
3 Surah Aale Imraan, Aayat 164 :

Beshak ALLĀH ne musalmano par bada ehsaan farmaaya ke un me unhi me se (azmat waala) Rasool bheja jo un par us ki aayate padhta aur unhe paak karta hai aur unhe kitaab wa hikmat ki ta’aleem deta hai agarche wo log us se pehle khuli gumraahi me the.

Hadeeṡe Qudsi :
Laulak lama khalaqtul ardi wal aflak.

ALLĀH ta’ala farmaata hai :
Aye mehboob agar tujhe paida karna maqsood na hota to main zameen aur aasmaano ko paida na karta.

(Firdaus-ul-akhbaar, Jild -2, Safa -45, Hadeeṡ -8095)

**********************
ALLĀH ta’ala ki tamaam ne’amato me behtareen ne’amat us ke Habeeb sallallāhu alaihi wa sallam hain.
Aap Rab ta’ala ki Ne’amat e kubra aur ehsaan e azeem hain.

Hamare Nabi sallallāhu alaihi wa sallam ka martaba itna aa’la aur afzal hai ke ALLĀH ta’ala ne sab se pehle Noor e Mustafa ko banaaya aur puri kaa’inat ko un ke liye hi banaaya.
ALLĀH ta’ala ne Huzoor Mohammad Mustafa sallallāhu alaihi wa sallam ko sab se pehle banaaya aur dunya me tamam ambiya ke baad Khaatim-ul-Ambiya banaakar bheja. Is tarah Aap sallallāhu alaihi wa sallam takhleeq me sab se Awwal aur Be’asat (Zahoor) me sab (ambiya) se Aakhir hain.

ALLĀH ta’ala ne aap ke waseele se sab ko Hidaayat ata farmai, Aap ne ilm o hikmat se jahaalat ka andhera door kiya, Aap ne aadami ko insaan banaaya, Aap ne deen e Islaam dekar zindagi jine ka sahi aur khubsurat tareeqa sikhaya, Aap ne ibaadat ka aur Rab ko raazi karne ka tareeqa sikhaaya, Aap ne dunya aur aakhirat me bhalaai aur kaamyaabi ka raasta sikhaaya.

Aur beshak hum khushnaseeb hain ke hame ALLĀH ne us ke Habeeb sallallāhu alaihi wa sallam ka ummati banaaya jis ne har haal me Wilaadat par, Makka me, Madeena me, Me’araaj me, Gaar me, Hajj me, Umrah me hum gunaahgaar ummatiyo ko yaad kiya aur har zulm sehkar hamare liye khuda se dua ki ‘Rabbi habli ummati’.

Aap ke sadqe me ALLĀH ta’ala hamari duao ko qubool karta hai aur hume sab ne’amaten ata karta hai.

Aap roze mehshar me ummatiyo ki shafa’at karke jahannam ki aag aur azaab se bachaayenge.

Is liye Huzoor Rasool-Allāh sallallāhu alaihi wa sallam ke ehsaano ko yaad karke Yaum e Meelaad-un-Nabi ke mauqe par khushiya manaani chaahiye.

Yun to pura saal hame Sarware Kaunain Pyare Aaqa sallallāhu alaihi wa sallam ke ehsaano ko yaad karna chaahiye aur Aap ki wilaadat aur Hayaat e tayyabah ka aur aap ke kamaalat aur moazeezaat ka zikr karte rehna chaahiye. Magar Yaum e Milaad-un-Nabi ke mubarak mauqe par ALLĀH ki is azeem ne’amat ka khaas kasrat se zikr karna chaahiye.

***************
Eid-e-Meelaad-un-Nabi sallallāhu alaihi wa sallam manaana jaa’iz hai aur baa’iṡ e rahmat aur barkat hai :

Eid-e-Meelaad-un-Nabi sallallāhu alaihi wa sallam manaana jaa’iz hai aur baa’iṡ e rahmat aur barkat hai :

Aashiqaane Mustafa se guzarish hai ki
Is link ko open karke Post padhen aur Share karen.

************
Eid-e-Meelaad-un-Nabi sallallāhu alaihi wa sallam manaane ka sahi tareeqa :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
Qur’an :
2 Surah al-Baqarah, Aayat 208 :

Aye Eimaan waalo, Islaam me pure daakhil ho jaao.

Aashiqaan e Rasool ko chaahiye ke Eid-e-Meelaad-un-Nabi ko Islaami tareeqe se manaaye aur aise amal karen jis se Islaam aur Musalmano ko aur izzat mile.

Eid-e-Meelaad-un-Nabi ko Subah Saadiq ke waqt khaas Salaat o Salaam pesh karen aur Dua e khair karen.
Fajr ki namaaz ada karne ke baad bhi Dua e khair karen.

Ghusl karen, Miswaak karen, Khushbu lagaayen, Surma lagayen, Achhe kapde pehnen.
Achha khaana khaas kar meetha pakakar khud bhi khaayen aur azeezo, rishtedaaro aur padosiyo ko hadiya bhejen aur ghareebo ko bhi den.

Mehfil e Meelaad me aur Juloos me ikhlaas, adab o ehtaraam aur khushi ke saath saamil ho aur Raza e ilāhi aur Izhaar e ishq e Rasool ki nek niyyat rakhen.
Hattal imkaan Ba-wuzu rahen.
Har fuzool baat aur amal se bachen.
Juloos me Zikr e Ilāhi aur Hamd e Baari ta’ala, Naate Rasool aur Manqabat padhte rahen.
Kaṡrat se Durood o Salaam padhte rahen.
Tilaawat e Qur’an karen.
Kaṡrat se Astaghfaar karen.

Nafl Namaaz padhen.
Jin ki namaazen Qaza ho gai hain wo pehle jitni mumkin ho utni Qaza namaaz padhen taake bariuz zimma ho jaayen.
Nafl namaaz ka pura ṡawaab usi ko milta hai jo Farz namaaz waqt par ada karta hai aur pehle un namaazo ki qaza padh leta hai jo chhut gai hai.

5 waqt ki Qaza namaaz me Rak’at ki ta’adaad :
Fajr 2, Zohar 4, Asr 4, Maghrib 3, Isha 4, Witr 3.

Husne akhlaaq ka bentareen muzaahira karen taake Islaam aur musalmano ki shaan buland ho.

Sadqa- Khairaat zyada karen.
Ghareebo, Mohtaajo ki imdaad karen.
Beemaar aur kamzor ki khidmat karen.
Saadaat ki khidmat karen.
Taalibaan e ilm ko madad karen.
Buzurgo ko isaal e ṡawaab karte rahen.

Apne gharo aur mohallo ko khub sajaayen aur Roshni karen.
Magar aam raasto par ya choraaho par is tarah sajaawat na karen ki waha se guzarne walo ko takleef ho.

Najam ki CD/DVD bajaate waqt ye khayaal rakhen ki itni buland aawaaz na ho ki is ki wajah se mareezo, jaeefo, buzurgo aur chhote bacho ko takleef ho aur Azaan aur Namaaz ke awqaat ka bhi khayaal rakhen.

Islaam me Naachna aur Gaana-bajaana haraam hai, Chunaanche Juloos e meelaad me in baato se bachen.
Aatishbaazi na karen ke ye Fuzool-kharchi aur gunaah hai.

Juloos me paan, maava, tambaku khaane se ya bidi, cigarate pine se parhez karen.

Aurto ko be-parda nikalna ya mardo ke bich me aana mana hai. Is liye Juloose milaad dekhne ke liye aurto ko apne gharo se baahar nahi nikalna chahiye.

Azaan aur Namaaz ke awqaat ka khaas khayaal rakhen.
Azaan ka ehtaraam karen aur azaan sunkar us ka jawaab den.
Juloos ke daurazn bhi masjid me ba-jama’at namaaz ada karen.
Aur namaaz ke baad ALLĀH ta’ala se Huzoor sallallāhu alaihi wa sallam ke waseele se sab ke liye Dua e khair karen.

Tabarrukaat ki ziyaarat karen.
Auliya Allāh ki ziyarat ke liye jaayen.
Qabrastan jaayen aur isaal e ṡawaab aur Dua e maghfirat karen.

Sahi ilm e deen sikhen aur dusro ko sikhayen.
Taake sahi aqeede ke saath nek amal kar saken.
Sunnato ko apnayen.
Har gunaah se bachne ki koshish karen.

Sab ke liye Hidaayat ki aur Sahi aqeede ke saath sahi nek amal karne ki taufiq ki dua karen.
Khaatma bil khair ki aur Maut ki, Qabr ki aur Qayaamat ki pareshaaniyo se hifazat ki aur maghfirat aur najaat ki dua karen.

************
Eid e Meelaad-un-Nabi ki Nafl Ibaadat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Rabi ul awwal mubarak ki 12wi tareekh ko
(Tulu aaftaab ke 20 minute baad) Namaaz e Ishraaq ada karne ke baad
2 rak’at nafl namaaz Shukraane ki padhen.
Aur phir 11 martaba Durood shareef aur 11 martaba Astaghfaar padhne ke baad ALLĀH ta’ala ka shukr ada karen ke hume Ummat e Mustafa me aur Ahle Sunnat wal Jama’at me saamil kiya. Aur Dua karen ke puri zindagi aur nazaa ke waqt Eimaan ki salaamati ata farmae.

(2) Namaaz e Zohar ke baad
20 rak’at namaaz 2-2 karke padhen.
Har rak’at me Surah al-Faatiha ke baad Surah al-Ikhlaas 21 martaba padhen.
Aur is ko Huzoore akram sallallāhu alaihi wa sallam ki rooh e aqdas ko isaal e ṡawaab karen.

Phir Durood shareef padhkar Dua e khair karen aur Eimaan ki hifaazat ke liye aur Khaatma bil khair ke liye dua karen.

Is namaaz ko padhne waale ko ALLĀH ta’ala Tauheed par qaayam rakhega aur Khaatma bil khair ata farmaega aur Huzoore akram sallallāhu alaihi wa sallam ki ziyarat naseeb hogi. In shaa Allāh.

(3) Awwal Aakhir 3-3 martaba Durood shreef padhkar ye Wazeefa padhen.
Bismillāhir Rahmānir Raheem
Ya Allāhu (7 martaba)
Ya Ghafooru (7 martaba)
Ya Rahmānu (7 martaba)
Ya Hannanu (7 martaba)
Ya Mannanu (7 martaba)
Ya Rayyanu (7 martaba)
Ya Sub’hānu (7 martaba)

In shaa Allāh ALLĀH ke fazl se pura saal khush-haal aur amn me guzrega aur Mehshar me hisaab o kitaab me aasaani ke saath Jannat me daakhil hoga.

***************
ALLĀH ta’ala us ke Habeeb sallallāhu alaihi wa sallam ke sadqe me
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae aur Islaam ka bolbala ata farmae.
Aur in baato ko yaad rakhkar amal karne ki aur dusro ko bataane ki taufiq ata farmae.
Aur sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

****************
For more posts Visit :

FikreUmmat.net Updating… .. .

Eid-e-Meelaad-un-Nabi sallallāhu alaihi wa sallam manaana jaa’iz hai aur baa’iṡ e rahmat aur barkat hai :

▪▪► ALLĀH ta’ala musalmano ko koi bhi khaas ne’amat ata farmaata hai wo ALLĀH ke khaas dino me se hai aur un dino ko yaad karte rehna zaroori hai.

Qur’an :
14 Surah Ibrāheem, Aayat 5 :

Aur unhe ALLĀH ke dino ko yaad dilao.

ALLĀH ta’ala ne Hazrate Moosā alaihis salaam se farmaaya tha ke ‘Bani Isrā’eel ko un dino ko yaad karne ke liye kaho jab ALLĀH ta’ala ne un ko khaas ne’amate ata farmai ya’ni un ki haajat par un ko Mann wa Salwa (paka pakaaya khaana) ata farmaaya aur peene ke liye paani ka chashma ata farmaaya aur us me un ke 12 qabeelo ke liye 12 hisse kar diye.

Ummate Muhammadi ke liye Yaum e Meelaad-un-Nabi sallallāhu alaihi wa sallam, Eid-ul-Fitr, Eid-ul-Ad’ha, Shab-e-Qadr, Shab-e-Baraat, Yaum e Aashura, Shab-e-Me’araaj ye sab ALLĀH ta’ala ke khaas din aur raat hain.
Aur in me ALLĀH ta’ala ki ibaadat aur zikr karke un khaas ne’amato ka shukr ada karna chaahiye.

*********
▪▪► Yaum e Meelaad-un-Nabi sab se khaas din hai kyun ki ALLĀH ta’ala ne ye tamaam kaa’inat apne Habeeb sallallāhu alaihi wa sallam ke liye banaai hai aur ye tamaam muqaddas aur mubarak din aur raat Nabi e kareem sallallāhu alaihi wa sallam ke sadqe me musalmano ko ata kiye hain.

Hadeeṡe Qudsi :
Laulak lama khalaqtul ardi wal aflak.

ALLĀH ta’ala farmaata hai :
Aye mehboob agar tujhe paida karna maqsood na hota to main zameen aur aasmaano ko paida na karta.

(Firdaus-ul-akhbaar, Jild -2, Safa -45, Hadeeṡ -8095)

Hamare nabi sallallāhu alaihi wa sallam ka martaba itna aa’la aur afzal hai ke ALLĀH ta’ala ne sab se pehle Noor e Mustafa ko banaaya aur puri kaa’inat ko un ke liye hi banaaya.

ALLĀH ta’ala ne Huzoor Mohammad Mustafa sallallāhu alaihi wa sallam ko sab se pehle banaaya aur dunya me tamam ambiya ke baad Khaatim ul Ambiya banaakar bheja. Is tarah Aap sallallāhu alaihi wa sallam takhleeq me sab se Awwal aur Be’asat (Zahoor) me sab (ambiya) se Aakhir hain.

*********
▪▪► ALLĀH ta’ala ki tamaam ne’amato me behtareen ne’amat us ke Habeeb sallallāhu alaihi wa sallam hain.
Aap Rab ta’ala ki Ne’amat e kubra aur ehsaan e azeem hain.

ALLĀH ta’ala ne aap ke waseele se sab ko Hidaayat ata farmai, Aap ne ilm o hikmat se jahaalat ka andhera door kiya, Aap ne aadami ko insaan banaaya, Aap ne deen e Islaam dekar zindagi jine ka sahi aur khubsurat tareeqa sikhaya, Aap ne ibaadat ka aur Rab ko raazi karne ka tareeqa sikhaaya, Aap ne dunya aur aakhirat me bhalaai aur kaamyaabi ka raasta sikhaaya.

Aur beshak hum khushnaseeb hain ke hame ALLĀH ne us ke Habeeb sallallāhu alaihi wa sallam ka ummati banaaya jis ne har haal me Wilaadat par, Makka me, Madeena me, Me’araj me, Gaar me, Hajj me, Umrah me hum gunaahgaar ummatiyo ko yaad kiya aur har zulm sehkar hamare liye khuda se dua ki ‘Rabbi habli ummati’.

Aap ke sadqe me ALLĀH ta’ala hamari duao ko qubool karta hai aur hume sab ne’amaten ata karta hai.

Aap roze mehshar me ummatiyo ki shafa’at karke jahannam ki aag aur azaab se bachayenge.

Qur’an :
3 Surah Aale Imraan, Aayat 164 :

Beshak ALLĀH ne musalmano par bada ehsaan farmaaya ke un me unhi me se (azmat wala) Rasool bheja jo un par us ki aayate padhta aur unhe paak karta hai aur unhe kitaab wa hikmat ki ta’alim deta hai agarche wo log us se pehle khuli gumraahi me the.

*********
▪▪► Is liye Huzoor Rasool-Allāh sallallāhu alaihi wa sallam ke ehsaano ko yaad karke Yaum e Meelaad-un-Nabi ke mauqe par khushiya manaani chaahiye.

Yun to pura saal hame Sarware Kaunain Pyare Aaqa sallallāhu alaihi wa sallam ke ehsaano ko yaad karna chaahiye aur Aap ki wilaadat aur Hayaat e tayyabah ka aur aap ke kamaalat aur moazeezaat ka zikr karte rehna chaahiye. Magar Yaum e Milaad-un-Nabi ke mubarak mauqe par ALLĀH ki is azeem ne’amat ka khaas kasrat se zikr karna chaahiye.

Qur’an :
10 Surah Younus, Aayat 58 :

Farma dijiye (ye sab kuchh) ALLĀH ke fazl aur us ki rahmat ke baa’is hai (jo be’asat e Mohammad Mustafa sallallāhu alaihi wa sallam ke zariye tum par hua hai) pas musalmano ko chaahiye ke us par khushiya manaayen ye us se kahi behtar hai jise wo jama karte hain.

*********
▪▪► Ahkaam e shariat ke masaa’il 4 cheezo ko milaakar samajh sakte hain :
(1) Kitabullāh (Qur’an shareef)
(2) Hadeeṡ wa Sunnat e Nabawi (Prophetics Sayings & Traditions)
(3) Ijma e Ashaaba wa Ulama (Consensus of Companions of Prophet , Followers of companions & Muslim scholars)
(4) Qiyaas (Analogical Deduction by Muslim scholars)

Qur’an :
4 Surah an-Nisaa, Aayat 59 :

Aye Eimaan walo, ALLĀH ki ita’at karo aur Rasool ki ita’at karo aur (apno me se) saahibaan e amr ki aur phir kisi mas’ale par tum baahum ikhtelaaf karo to use ALLĀH aur us ke Rasool (sallallāhu alaihi wa sallam) ki taraf lauta do, Agar tum ALLĀH par aur aakhirat ke din par yaqeen rakhte ho to yehi (tumhare liye) behtar aur anjaam ke lihaaj se bahot achha hai.

Ya’ni ALLĀH ta’ala farmaata hai ki tum me ilm waalo ke upar ilm wala hoga jo tumhare liye saahibaan e amr hoga aur jo tumhe ALLĀH aur us ke Rasool sallallāhu alaihi wa sallam ki ita’at ka sahi tareeqa sikhaayenge. Aam halaat me us Imaam ki ita’at karte raho aur jab kisi mas’ale par ikhtelaaf ho jaaye to Qur’an aur Sunnat ki taraf ruju karo.

Saahibaan e Amr me Ameer ul Mo’mineen (Khulfa e Raashideen) aur Aa’imma e Islaam saamil hain.

Hadeeṡe Nabawi :
Ulama e ummatika ambiya e Bani Isrā’eel.

Meri ummat ke ulama Bani Isrā’eel ke nabiyo ke maanind hai.

*********
▪▪► Aur Huzoor Rasool-Allāh sallallāhu alaihi wa sallam ne aur Khulfa e Raashideen aur Aa’imma e Islaam ne Meelaad-un-Nabi jaa’iz maankar apne apne tareeqe se manaaya hai.

[1] ALLĀH ta’ala ne apne Habeeb sallallāhu alaihi wa sallam ki zahoor /be’asat par apni qudrat se aap ki fazeelat ko zaahir karke khaas khushi ka izhaar kiya.

Aap Makka mukarrama me Peer ke din Subah saadiq ke waqt mushk ki khushbu mehkaate, paakiza badan, naaf burida, khatna shuda, dono shaano ke darmiyaan mohar e nubuwwat darakhshaa aur dono haath zamin par rakhe hue sare paak aasmaan ki taraf uthaaye hue tashreef laaye .

Aap ki wilaadat ke waqt jaha par Hazrate Aamena radi-Allāhu ta’ala anha tashreef farma thi us ghar me koi chiraag na hone ke ba-wajood ghar me itni roshni ho gai ki agar koi chaahe to sooi me dhaaga piro le.
Zameen se aasmaan tak noor hi noor chhaa gaya.
Tamaam but sar ke bal aundhe gir pade.
Aatash-qada e Faars khud ba-khud gul ho gaya.
Hukm e ilāhi se Ka’aba ne sajda kiya.

[2] Huzoor Nabi e kareem sallallāhu alaihi wa sallam ne apne Yaum e wilaadat par khushi ka izhaar kiya hai aur ALLĀH ta’ala ka shukr ada karne ke liye khaas ibaadat ki hai.

Masjid e Nabawi me mehfile milaad me khud Huzoor Rasool-Allāh sallallāhu alaihi wa sallam ne apni wilaadat ke fazaa’il bayaan farmaaye.
(Tirmizi, Jild -2, Safa -201)

Huzoor Nabi e kareem sallallāhu alaihi wa sallam ne khud apna Milaad manaaya hai aur Madeena me bakare zibah karke miskeeno ko khilaayen hain.
(Al Haawil-il Fatawi, Jild -1, Hadeeṡ -196)

Hazrat Abu Qataada radiy-Allāhu ta’ala anhu se riwaayat hai ki :
Huzoor sallallāhu alaihi wa sallam se Peer (Monday) ke din roza rakhne ke baare me puchha gaya to
Aap ne farmaaya ke ‘Isi din meri Wilaadat hui thi aur isi din mujh par Qur’an majeed naazil huwa.’

(Muslim, Jild -2, Kitaab us Siyaam, Safa -367, Hadeeṡ -2850)

[3] Maula e kaa’inat Hazrat Ali radiy-Allāhu ta’ala anhu ALLĀH ki baargaah me Huzoor Sarwar e kaa’inat sallallāhu alaihi wa sallam ke naam se ek mendha zibah kiya karte the.

(Jaame Tirmizi, Jild -1, Safa -538;
Sunan Abu Daawūd, Jild -2, Safa -29)

[4] Isi tarah har zamaane ke mash’hoor Aa’imma e Islaam ne Jashn e Meelaad-un-Nabi manaane ko jaa’iz bataaya hai.

(1) Hazrat Imaam Ibne Jawzi Muhaddeeṡ (Wilaadat 510 Hijri) ne ‘Bayaan al-Maulid un Nabawi’ me.
(2) Hazrat Imaam Abu Shama (Wilaadat 599 Hijri) ne ‘Al Baais Ala inkaril Bada wal Hawadis’ me.
(3) Hazrat Imaam Shams-ud-deen al-Juzri (Wilaadat 660 Hijri) ne ‘Husn ul Maqsid fi Amalil Maulid’ me.
(4) Hazrat Imaam Shams-ud-deen Muhammad al-Zahabi (Wilaadat 673 Hijri) ne ‘Sayer ul A’alam wan nubala’ me.
(5) Hazrat Imaam Ibne Kaṡeer (Wilaadat 701 Hijri ) ne ‘Al Bidaaya wan Nihaaya’ me.
(6) Hazrat Imaam Shams-ud-deen bin Naseer-ud-deen Damishqi (Wilaadat 777 Hijri) ne ‘Mawridul Saawi fi Maulidil Haadi’ me.
(7) Hazrat Imaam Shams-ud-deen al-Sakhawi (Wilaadat 831 Hijri) ne ‘Sublul Huda wal Rushad’ me.
(8) Hazrat Imaam Jalaal-ud-deen Suyuti (Wilaadat 849 Hijri) ne ‘Husnul Maqsad fi Amalil Maulid’ me.
(9) Hazrat Imaam Shahaab-ud-deen Ahmad al-Qastallani (Wilaadat 851 Hijri) ne ‘Al Muwahib ul Ladunniya’ me.
(10) Hazrat Imaam Shahaab-ud-deen Ibne Hajar Haytami al-Makki (Wilaadat 909 Hijri) ne ‘Fataawa Haadisia’ me.
(11) Hazrat Imaam Qutub-ud-deen Hanafi (Wilaadat 988 Hijri) ne apni kitaab ‘Al a’alam be A’alam e Baitillāhil Haram’ me.
(12) Hazrat Allama Shahaab-ud-deen Khifaaji ‘Risaalah Amalal Maulid’ me
(13) Hazrat Shaikh Abdul Haq Muhaddeeṡ Dehlawi (Wilaadat 958 Hijri) ne ‘Ma sabat minas sunnah’ me.
(14) Hazrat Mulla Ali Qaari (Wilaadat 1014 Hijri) ne ‘Al Murid ul Rawi fee Maulid-un-Nabi’ me.
(15) Hazrat Imaam Zarqani (Wilaadat 1055 Hijri) ne ‘Sharah Muwaahibul Ladunniya’ me.
(16) Hazrat Shaah Abdur Raheem Muhaddeeṡ Dehlawi (Wilaadat 1054 Hijri) ‘Ad Durrus sameen’ me.
(17) Hazrat Shaah Waliyullāh Muhaddeeṡ Dehlawi (Wilaadat 1174 Hijri) ne ‘Fuyuz ul Haramain’ me.
(18) Hazrat Haaji Imdaadullāh Muhaajir Makki (Wilaadat 1233 Hijri) ne ‘Shamaim e Imdaadiya’ Aur ‘Faisla Haft Mas’ala’ me.
(19) Hazrat Maulaana Abdul Hay Lakhnawi (Wilaadat 1264 Hijri) ne ‘Fataawa Abdul Hay’ me.

*********
▪▪► Qur’an :
93 Surah ad-Duha, Aayat 11 :

Aur apne Rab ki ne’amato ka khub tazkeera karo.

Hazrat Abu Saeed Khudri radiy-Allāhu ta’ala anhu se riwaayat hai ki
Hazrat Muawiya radiy-Allāhu ta’ala anhu farmaate hain ki Huzoor Rasool-Allāh sallallāhu alaihi wa sallam baahar tashreef laaye aur sahaaba ke halqe ko dekhkar aap ne farmaaya ‘Tum yahan kis wajah se baithe ho?’
Unho ne kaha ‘Hum ALLĀH se dua kar rahe hain aur us ka shukr ada kar rahe hain ki us ne apna deen hum ko batlaaya aur hum par ehsaan kiya aap ko bhejkar.’

(Sanan Nisai, Hadeeṡ -5432)

Is tarah Maah e Rabi-ul-Awwal me Mehfil e Meelaad munaaqid karna jis me Huzoore akram sallallāhu alaihi wa sallam ki wilaadat, aap ki sirat e hasana, aap ki Sunnate aur Hadeeṡ e paak aur deegar fazaa’il, kamaalat aur moazeezaat bayaan karna aur Ambiya aur Auliya Allāh ke bayaan karna ye baa’iṡ e ṡawaab hai.

Yaum e Meelaad-un-Nabi ke Mubarak mauqe par shaan ke saath Juloos nikaalna, jis me Zikr e Ilāhi aur Hamd e Baari ta’ala, Naat e Rasool aur Manqabat padhna ye baa’iṡ e ṡawaab hai.

ALLĀH ta’ala aur us ke Habeeb wa Rasool sallallāhu alaihi wa sallam ka zikr karna baa’is e barkat aur rahmat hai aur dil ka sukoon paane ka aur use paak karne ka zariya hai.
Aur Ambiya aur Auliya ka bayaan sunna ilm e deen me izaafa karta hai aur unke darse par amal karna bhi nek banne ka aur foyuz o barkaat haasil karne ka zariya hai.

Aur Mehfil e Meelaad aur Juloos e Milaad se Shaan e Islaam aur Ittehaad e Millat ka muzaahira bhi hota hai.

*********
▪▪► Koi agar is mubarak din me khushi manaane se ya Ishqe Rasool ke saath Zikre Rasool ki mehfil munaaqid karne ya Juloos nikaalne se roke to ye munaasib bhi nahi aur mumkin bhi nahi.
Kyun ki khud ALLĀH chaahta hai ke us ke Habeeb Khaatim ul Ambiya sallallāhu alaihi wa sallam ka zikr hamesha buland rahe.
ALLĀH ta’ala ne aap ko Habeebullāh, Afzal ul Bashar, Khair e Khalqillāh, Asharaf ul Ambiya aur Sayyed ul Ambiya, Rasool e aazam, Sarwar e Kaunain, Shaah e Ṡaqlain, Sultaan e daarain, Noor e mujassam, Saahib e laulak, Saahib e Me’araaj, Saahib e Ilm o hikmat, Haadi us subool, Mustafa, Mujtaba, Mukhtaar, Shafi e Mehshar, Khaatim ul Ambiya, Nabi e aakhiruz zamaan, Rasool e kaa’inat, Rahmatalil aalameen, Aneesil ghareebeen, Makhzan e jood o sakhaawat, Mohsin e insaaniyat, Qaasim e ne’amat, Waseela e akbar banaaya hai.

Qur’an :
94 Surah Alam nasrah, Aayat 4 :

Aur hum ne aap ki khaatir aap ka zikr (hamare zikr ke saath milaakar har jagah) buland farmaaya.

*******************
Aur Huzoor Rasool-Allāh sallallāhu alaihi wa sallam ne aur Khulfa e Raashideen aur Aa’imma e Islaam ne Meelaad-un-Nabi jaa’iz maankar apne apne tareeqe se manaaya hai.
Chunaanche is daur me bhi musalman ishqe Rasool ke saath Mehfil e meelaad munaaqid karke aur Juloos nikaalkar Yaum e wilaadat manaate hain.

▪▪► Jo Aashiqane Rasool is me saamil hote hain wo sa’adat-mand hain aur jo saamil nahi hona chaahte un ko har achhi cheez par aitraaz karne ki aadat ho gai hai.
Mo’mino ko chaahiye ki unhe Eid-e-Meelaad-un-Nabi ki haqeeqat samjhaane ki koshish karen aur agar wo nahi maante to unhe un ke haal par chhod den aur zyada bahes na karen.

Qur’an :
2 Surah al-Baqarah, Aayat 7 :

ALLĀH ne un ke dilo aur kaano par mohar laga di hai aur un ki aankho par parda pad gaya hai aur un ke liye sakht azaab hai.

*********
▪▪► Aur Aashiqaan e Rasool ko bhi chaahiye ke Eid-e-Meelaad-un-Nabi ko Islaami tareeqe se manaayen aur aise amal karen jis se Islaam aur Musalmano ko aur izzat mile.

Qur’an :
2 Surah al-Baqarah, Aayat 208 :

Aye Eimaan waalo, Islaam me pure daakhil ho jaao.

Is mubarak dino me Ishq e Rasool ke saath Mehfil e Meelaad, Mehfil e Zikr aur Mehfil e Tilaawat e Qur’an me saamil hote rahen.
Kaṡrat se Durood o Salaam padhen.
Zyada Namaaz padhen aur Tilaawat e Qur’an karen.
Sadqa- Khairaat zyada karen.
Ghareebo, Mohtaajo ki imdaad karen.
Beemaar aur kamzor ki khidmat karen.
Saadaat ki khidmat karen.
Buzurgo ko isaal e ṡawaab karte rahen.
Kaṡrat se Astaghfaar karen.

Nafl Namaaz padhen.
Jin ki namaazen Qaza ho gai hain wo pehle jitni mumkin ho utni Qaza namaaz padhen taake bariuz zimma ho jaayen.
Nafl namaaz ka pura sawaab usi ko milta hai jo Farz namaaz waqt par ada karta hai aur pehle un namaazo ki qaza padh leta hai jo chhut gai hai.

Apne gharo aur mohallo ko khub sajayen aur Roshni karen.
Magar aam raasto par ya choraaho par is tarah sajaawat na karen ki waha se guzarne walo ko takleef ho.

Najam ki CD/DVD bajaate waqt ye khayaal rakhen ki itni buland aawaaz na ho ki is ki wajah se mareezo, jaeefo, buzurgo aur chhote bacho ko takleef ho aur Azaan aur Namaaz ke awqaat ka bhi khayaal rakhen.

Eid-e-Meelaad-un-Nabi ko Subah Saadiq ke waqt khaas Salaat o Salaam pesh karen aur Dua e khair karen.
Fajr ki namaaz ada karne ke baad bhi Dua e khair karen.

Ghusl karen, Miswaak karen, Khushbu lagayen, Surma lagayen, Achhe kapde pehnen.
Achha khaana khaas kar meetha pakakar khud bhi khaayen aur azeezo, rishtedaaro aur padosiyo ko hadiya bhejen aur ghareebo ko bhi den.

Mehfil e Meelaad me aur Juloos me ikhlaas, adab o ehtaraam aur khushi ke saath saamil ho aur Raza e ilāhi aur Izhaar e ishqe Rasool ki nek niyyat rakhen.
Hattal imkaan Ba-wuzu rahen.
Har fuzool baat aur amal se bachen.
Juloos me Zikre Ilāhi aur Hamd e Baari ta’ala, Naat e Rasool aur Manqabat padhte rahen.
Kaṡrat se Durood o Salaam padhte rahen.
Tilaawat e Qur’an karen.
Kaṡrat se Astaghfaar karen.
Husne akhlaaq ka bentareen muzaahira karen taake Islaam aur musalmano ki shaan buland ho.

Islaam me Naachna aur Gaana-bajaana haraam hai, Chunaanche Juloos e meelaad me in baato se bachen.
Aatishbaazi na karen ke ye Fuzool-kharchi aur gunaah hai.

Juloos me paan, maava, tambaku khaane se ya bidi, cigarate peene se parhez karen.

Aurto ko be-parda nikalna ya mardo ke bich me aana mana hai. Is liye Juloos e milaad dekhne ke liye aurto ko apne gharo se baahar nahi nikalna chaahiye.

Juloos e meelaad me oont, ghode ya bail jaise jaanwaro ko saath me na rakha jaaye ki in ke peshaab aur leed se logo ke kapde na-paak hone ka andesha rehta hai.

Azaan aur Namaaz ke awqaat ka khaas khayaal rakhen.
Azaan ka ehtaraam karen aur azaan sunkar us ka jawaab den.
Juloos ke dauraan bhi masjid me ba-jama’at namaaz ada karen.
Aur namaaz ke baad ALLĀH ta’ala se Huzoor sallallāhu alaihi wa sallam ke waseele se sab ke liye Dua e khair karen.

Tabarrukaat ki ziyaarat karen.
Auliya Allāh ki ziyarat ke liye jaayen.
Qabrastan jaayen aur isaal e sawaab aur Dua e maghfirat karen.

Sahi ilm e deen sikhen aur dusro ko sikhayen.
Taake sahi aqeede ke saath nek amal kar saken.
Sunnato ko apnayen.
Har gunaah se bachne ki koshish karen.

Sab ke liye Hidaayat ki aur Sahi aqeede ke saath sahi nek amal karne ki taufiq ki dua karen.
Khaatma bil khair ki aur Maut ki, Qabr ki aur Qayaamat ki pareshaaniyo se hifaazat ki aur maghfirat aur najaat ki dua karen.

****************
ALLĀH ta’ala us ke Habeeb sallallāhu alaihi wa sallam ke sadqe me
Sab ko in baato ko yaad rakhkar is par amal karne ki aur dusro ko sikhaane ki taufiq ata farmae.
Sab ko mukammal ishq e Rasool ata farmae aur hidaayat ata farmae aur Sab ko sahi tareeqe se ishq e Rasool ke saath Eid-e-Meelaad-un-Nabi manaane ki aur foyuz o barkaat haasil karne ki taufiq ata farmae.
Sab ke Eimaan ki hifaazat farmae aur Sahi ilme deen haasil karne ki aur Sahi baat samajhne ki taufiq ata farmae aur Sahi nek amal karne ki aur Gunaaho aur buri bid’ato se bachne ki taufiq ata farmae aur Islaam ka bolbala ata farmae.
Aur Sab ko dunya wa aakhirat me kaamyaabi aur izzat ata farmae aur Sab ki nek jaa’iz muraado ko puri farmae.
Aameen.

****************
For more posts Visit :

FikreUmmat.net Updating… .. .

Aashoora ka bayaan :

Aashoora ki Fazeelat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
Is mubarak din me ALLĀH ta’ala ki qudrat aur fazl o ne’amat ki bahot si badi badi nishaaniya zaahir hui.

(1) Isi din arsh wa kursi, loh wa qalam, aasmaan wa zameen, chaand wa sooraj aur sitaare aur jannat banaaye gaye.
(2) Isi din sab se pehli aasmaan se zameen par baarish hui.
(3) Isi din Hazrat Ādam alaihis salaam ki tauba qabool hui.
(4) Isi din Hazrat Idrees alaihis salaam ko aasmaan par uthaaye gaye.
(5) Isi din Hazrat Nooh alaihis salaam ki kashti toofaan ke baad salaamati ke saath Zoodi pahaad par pahunchi.
(6) Isi din Hazrat Ibrāheem alaihis salaam ki wilaadat hui.
(7) Isi din Hazrat Ya’aqoob alaihis salaam ki apne bete Hazrat Yousuf alaihis salam se mulaaqaat hui aur un ki aankho ki roshni waapas mili.
(8) Isi din Hazrat Younus alaihis salaam machhli ke pait se najaat mili.
(9) Isi din Hazrat Ayyoob alaihis salaam ki takleef door ki gai.
(10) Isi din Hazrat Yousuf alaihis salaam gehre kuwe se nikaale gaye.
(11) Isi din Hazrat Moosā alaihis salaam ko Fir’aun se najaat mili aur Fir’aun apne laskar samet dariya me gharq ho gaya.
(12) Isi din Hazrat Daawūd alaihis salaam ki lagzish muaf hui.
(13) Isi din Hazrat Sulaimān alaihis salaam ko jinn wa insaan par hukoomat ata hui.
(14) Isi din Hazrat Saalih alaihis salaam ki dua qubool hui thi.
(15) Isi din Hazrat Eisā alaihis salaam ki wilaadat hui aur isi din aasmaan par uthaaye gaye.
(16) Isi din Huzoor Muhammad Mustafa sallallāhu alaihi wa sallam ne elaan e nabuwwat kiya.
(17) Isi din Hazrat Imaam Husain ibn Ali radiy-Allāhu ta’ala anhu aur Aap ke jaan nisaar saathiyo ne maidaan e Karbala me 3 din ke bhooke pyaase rehkar Islaam ki hifaazat ke liye jaam e shahaadat nosh farmaaya.
(18) Isi din Qayaamat aayegi.

♦ Is mubarak din me mo’min ki Ibaadat qubool hoti hai, Tauba qubool hoti hai, Dua qubool hoti hai.

Is liye hume chaahiye ke is din ko sahi tareeqe se ibaadate ilāhi karne me guzaare aur sachi tauba karen aur tamaam mo’mino ke liye dua e khair karen.

**********************
Hadeeṡe Nabawi :
‾‾‾‾‾‾‾‾‾‾‾‾‾‾‾‾‾‾‾‾‾‾

(1) Jo shakhs Aashoora ke roz Ghusl kare to kisi Marz me mubtala na hoga siwa e marz e Maut ke .

(2) Jo shakhs Aashoora ke roz Asmad ka Surma aankho me lagaaye to us ki aankhen kabhi nahi dukhengi.
(Sho’abul Eimaan, Hadeeṡ -3797)

(3) Jo koi Aashoora ke din apne Ahl o ayaal par Nafqa me wus’at karega to ALLĀH ta’ala us par pura saal wus’at farmayega.

(4) Jo Shakhs Aashoora ke din Yateem ke sar par haath pherega to ALLĀH ta’ala us ke liye Yateem ke sar ke har baal ke badle ek ek darja Jannat me Buland farmayega .

(5) Jis ne Aashoora ki shaam ko kisi mo’min ko roza iftaar karaaya us ko puri ummat ke roze ke barabar sawaab milega.
(Gunyatut Taalibeen)

**********************
♦ Aashoora ke din ghusl karna, miswaak karna, khushboo lagaana, aankho me surma lagaana aur achha khaana pakakar khaana aur kasrat se Khairaat karna aur miskeeno aur yateemo ko madad karna Sunnat hai.

**********************
♦ Shab e Aashoora ki Ibaadat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

(1) 2 Rak’at namaaz padhen.
Har rak’at me Surah al-Faatiha ke baad 3 martaba Surah al-Ikhlaas padhen.
In shaa Allāh ALLĀH ta’ala is namaaz ko padhne waale ki qabr ko qayaamat tak roshan farmaega.

(2) 4 Rak’at namaaz ek salaam se padhen.
Har rak’at me Surah al-Faatiha ke baad 50 martaba Surah al-Ikhlaas padhen.

(3) 4 Rak’at namaaz ek salaam se padhen.
Har rak’at me Surah al-Faatiha ke baad 1 martaba Aayatul Kursi aur 10 martaba Surah al-Ikhlaas padhen.
Namaaz ke baad baithkar 100 martaba Surah al-Iklaas padhen.

(4) 8 Rak’at namaaz 2-2 karke padhen.
Har rak’at me Surah al-Faatiha ke baad 25 martaba Surah al-Ikhlaas padhen.
Phir baithkar 70 baar ‘Astaghfaar’ aur 70 baar Durood shareef padhen.

♦ Yaum e Aashoora ki Ibaadat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(Is ka waqt 10wi Muharram ko Tuloo e aaftaab ke 20 minute baad se Zawaal shuru hone se pehle tak hai.)

(1) 2 Rak’at nafl Tahyatul Wuzu padhen.
Pehli rak’at me Surah al-Faatiha ke baad 3 baar Surah al-Kaafirun aur Dusri rak’at me Surah al-Faatiha ke baad 3 baar Surah al-Ikhlaas padhen.

(2) 6 rak’at namaaz Salaat-ul-Aashura ki niyyat se 2-2 karke padhen.
Is ke baad Durood shareef padhkar ALLĀH se Aashura ki barkat ata farmae.

(3) 4 Rak’at namaaz ek salaam se padhen.
Pehli rak’at me Surah al-Faatiha ke baad Surah ad-Duha padhen, dusri rak’at me Surah Alam nashrah padhen, teesri rak’at me Surah al-Zilzaal padhen aur chothi rak’at me Surah al-Ikhlaas padhen.
Ise Huzoor Nabi e kareem sallallāhu alaihi wa sallam ko isaal e ṡawaab karen.
Is ke baad wahi par baithkar 41 martaba Aayate Kareema padhen.
‘Laa ilāha illa anta sub’hānaka inni kuntu minaz zaalimeen.’
Phir sajde me sar rakhkar ALLĀH ta’ala se Eimaan ki salaamati ki dua karen.

(4) 4 Rak’at namaaz ek salaam se padhen.
Pehli rak’at me Surah al-Faatiha ke baad Surah al-Kaafiroon padhen, dusri rak’at me Surah al-Ikhlaas padhen, teesri rak’at me Surah al-Falaq padhen aur chothi rak’at me Surah al-Naas padhen.
Ise chaaro Khulfa e raashideen radiy-Allāhu ta’ala anhuma ko isaale ṡawaab karen.
Phir baithkar 70 martaba ‘Hasbunallāhu wa ni’amal wakeel wa ni’amal mawla wa ni’aman naseer’ padhen.

(5) 2 Rak’at namaaz padhen.
Har rak’at me Surah al-Faatiha ke baad 3 martaba Surah al-Ikhlaas padhen.
Ise Sayyeda Faatima Zahra radiy-Allāhu ta’ala anha ko isaale ṡawaab karen.

(6) 4 Rak’at namaaz ek salaam se padhen.
Pehli rak’at me Surah al-Faatiha ke baad Aayat ul Kursi padhen, dusri rak’at me Surah al-Takaasur padhen, teesri rak’at me Surah al- Kaafirun padhen aur chothi rak’at me Surah al-Ikhlaas padhen.
Ise Imaame Hasan aur Imaame Husain radiy-Allāhu ta’ala anhuma ki arwaah e paak ko isaale ṡawaab karen.

(7) 4 Rak’at namaaz ek salaam se padhen.
Har rak’at me Surah al-Faatiha ke baad 3 martaba Surah al-Ikhlaas padhen.
Ise Shohada e Karbala radiy-Allāhu ta’ala anhuma ki arwaah e paak ko isaale ṡawaab karen.

(8) 4 Rak’at namaaz ek salaam se padhen.
Har rak’at me Surah al-Faatiha ke baad 1 baar Aayat ul Kursi aur 3 martaba Surah al-Ikhlaas padhen.
Ise apne waalidain ko isaale ṡawaab karen.
Is ke baad 100 baar Astaghfaar aur 100 baar Durood shareef padhen.
Phir 3 martaba ye dua padhen :
Allāhumma inni asaluk bihaqqil hasani wa akheehi wa ummihi wa abeehi wa jadadihee wa baneehi farrij hammee maa ana feehi bi rahmatika ya arhamar raahimeen.

(9) 2 Rak’at namaaz padhen.
Har rak’at me Surah al-Faatiha ke baad 3 martaba Surah al-Ikhlaas padhen.
Ise khud apni rooh ko isaale ṡawaab karen.

(10) Yaume Aashura ko ba-wuzu hokar 70 martaba ye padhen :
Hasbiyallāhu wa ni’amal wakeel.

(11) Kaṡrat se Durood shareef padhen.

************
▪▪► In namaaz me agar dusri Surah yaad na ho to us ke badle Surah al-Faatiha ke baad Surah al-Ikhlaas (Qul huwallāhu ahad) ya aur koi Surah yaad ho wo padhen.

▪▪► Kisi wajah se tamaam namaaz na padh saken to jitni padh sakte hain utni padhen aur phir Tilaawat e Qur’an, Kalma, Zikr ya Durood shareef padhte rahen.

▪▪► Aur apne liye aur tamaam ummate Mustafa ke liye Dua e khair aur apne aaba wa ajdaad aur tamaam marhoomeen ke liye Due e maghfirat karen.

▪▪► Jin ki namaazen Qaza ho gai hain wo pehle jitni mumkin ho utni Qaza namaaz padhen take bariuz zimma ho jaaye.
Aur tauba karke ye pakka ahad karen ke aainda sab namaaz waqt par ada karne ki koshish karenge aur namaaz ke foyuz o barkaat haasil karte rahenge.
Nafl namaaz ka pura sawaab usi ko milta hai jo Farz namaaz waqt par ada karta hai aur pehle un namaazo ki qaza padh leta hai jo chhut gai hai.

5 waqt ki Qaza namaaz me Rak’at ki ta’adaad :
Fajr 2, Zohar 4, Asr 4, Maghrib 3, Isha 4, Witr 3.

**********************
Is ke baad Dua e Aashoora zaroor padhen.
Is dua ko padhne waala in shaa Allāh pura saal maut se mehfooz rahega.

Dua e Aashoora :


Ya Qaabila tawbati Ādama Yawma Aashuraă-a Ya faarija karbi Zin-nooni yawma Aashuraă-a Ya jaami’a shamli Ya’aqooba yawma Aashuraă-a Ya saami’a da’awati Moosā wa Hāroona yawma Aashuraă-a Ya mughisa Ibrāheema minan naari yawma Aashuraă-a Ya rafi’a Idreesa ilas samaa’i yawma Aashuraă-a Ya mujeeba da’awati saalihin feen naaqati yawma Aashuraă-a Ya naasira sayyidina Muhammadin sal-lallāhu alayhi wa sallama yawma Aashuraă-a Ya rahmānad dunya wal aakhirati wa raheemahumaa salli alā sayyidina Muhammadiw wa alā jamee’il ambiyaa’i wal-mursaleena waqdi haajaatina fid dunya wal aakhirati wa atil umranaa fee taa’atika wa mahabbatika wa ridaaka wa ah’yinaa hayatan tayyibatanw wa tawaffana alal eimaani wal islaami bi-rahmatika Yaă arhamar raahimeen, Allāhumma bi-sirril hasani wa akheehi wa ummihī wa abeehi wa jaddihī wa banihi farriju anna maa nahnu feehi.

Phir ye Dua 7 baar padhen :

Sub’hānallāhi mil’al-meezaani wa muntahal ilmi wa mablaghar rida wa zinatal arshi laa maljaa-aa wa laa manjaa-aa minallāhi illa ilayhi, Sub’hānallāhi adadash shaf’i wal witri wa adada kalimaatillāhit tammaati kullihaa nas’alukas salaamata bi-rahmatika yaa arhamar raahimeen, Wa huwa hasbunaa wa nai’mal wakeel, Ni’mal mawla wa ni’man naseer, Wa laa hawla wa laa quwwata illa billāhil aleeyil azeem, Wa sallallāhu ta’aala ala sayyidina Muhammadiw wa ala aalihi wasahbihi wa alal muamineena wal muaminaati wal muslimeena wal muslimati adada zarratil wujoodi wa adada ma’aloomaatillāhi wal hamdulillāhi rabbil aalameen.

**********************
Aashoora ka Roza :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾
Hadeeṡ e Nabawi :
Jo musalman Aashoora ke din Roza rakhega us ke pure saal ke gunaah ALLĀH ta’ala muaf farmaega.

Hadeeṡ e Nabawi :

Hazrate Abu Huraira radiy-Allāhu anhu se riwaayat hai ki :
Huzoor Rasool-Allāh sallallāhu alaihi wa sallam ne farmaaya
‘Ramazaan ke roze baad sab Roze me afzal Moharram ke roze hain, jo ALLĀH ka mahina hai aur Namaaz e Farz ke baad afzal Tahajjud ki mamaaz hai.’

(Sahih Muslim , Jild -3, Hadeeṡ -2755)

›› Behtar hai ke 2 din roze rakhen, 9 aur 10 ya 10 aur 11.
Agar kisi wajah se 9 Moharram ka Roza na rakh saken to 10 aur 11 ka rakhen.

**********************
ALLĀH ta’ala us ke Habeeb sallallāhu alaihi wa sallam ke sadqe me
Aur Imaam e Husain radiy-Allāhu ta’ala anhu aur Shohada e Karbala aur Ahle bait waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur in sab baato ko yaad rakhkar us par amal karne ki aur dusro ko bataane ki taufiq ata farmae.
Aur Sab ko nek amal karne ki taufiq ata farmae aur Aashura me sahi tareeqe se Ibaadat karne ki taufiq ata farmae aur har buri bid’at aur gunaah se aur fuzool-kharchi se bachne ki taufiq ata farmae aur Ahle bait, Shohda aur Auliya ko isaale ṡawaab karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

****************
For more posts Visit :

FikreUmmat.net Updating… .. .

Taaziya-daari ka bayaan :

★ Imaam e Ahle Sunnat aur Radd e Bid’at ★

(1) Taaziya Mamnoo’aa hai. Shariat me is ki koi asl nahi hai.
Taaziya banaana, dekhna, chadhaava chadhaana, niakaalna, aur us ki kisi aqeedat ya kuchh tasawwur karke Ta’azeem karna sakht haraam hai.
(Fataawa Razawiya, Jild 24, Safa -489,490)

(2) Moharram me Taaziyadaari wa Seena kubi Haraam hai.
(Fataawa Razawiya, Jild 24, Safa -141)

(3) Taaziya (ka juloos) dekhna bhi jaa’iz nahi.
(Fataawa Razawiya, Jild -24, Safa -143)

(4) Kisi ne agar Taaziye par Mannat maani to ye Nazr baatil aur najaa’iz hai.
(Fataawa Razawiya, Jild -24, Safa -501)

(5) Taaziya, Alam, Sawaari, Mehandi jaise tareeqe [rasm] jaari karna Bid’at hai aur is se Islaam ki shaan badhti nahi hai.

(6) Kuchh utaara, Baaqi toda aur dafan kar diya, Ye har saal maal ko barbaad karne ka Gunaah hai.
Taaziya-daari is Galat tareeqe ka naam hai, Jo Bid’at aur bilkul Najaa’iz wa Haraam hai.
(Taaziyadaari, Safa -4)

(7) Taaziya ko Haajat ko pura karne wala maanna Jahaalat hai, Is ki Mannat be-waqoofi hai aur na karne me Nuqsaan jaanna wahem hai. Musalman ko aisi harkat se bachna chaahiye.
(Taaziyadaari, Safa -59)

(8) Taaziye par chadha khaana nahi khaana chaahiye, Agar Niyaaz dekar chadhaayen, Ya chadhaakar Niyaaz den to bhi us ke khaane se parhez karen.
(Taaziyadaari, Safa -11)

(9) Taaziya banaana aur us par Nazr wa Niyaaz karna, Zarooraten puri hone ki ummeed me Mannate latkaana, Ye saare kaam jis tarah logo me aaj ke zamaane me mashhoor hain, Bid’at aur Haraam wa Najaa’iz hain.
(Irfaan-e-Shariat, Safa 15-16)

(10) Taaziya aata dekh kar nazren pher len, Us ki taraf dekhna hi nahi chahiye.
(Irfaan-e-Shariat, Jild 1, Safa -15)

(11) Moharram me Marasiya padhna ya us me shirkat karna najaa’iz hai, Wo gunaaho se bhare hote hain.
(Irfaan-e-Shariat, Jild 1, Safa -16)

(12) Moharram me Siyah ya Sabz kapde gham ki nishaani hai Aur gham Haraam hai.
(Ahkaam-e-Shariat, 171)

(13) 1. Kuchh log Muharram ke dino me na to din bhar roti pakaate hain, Na jhaadu dete hain, Kehte hain ke dafn karne ke baad pakaai jaayegi.
2. In 10 dino me kapde nahi badalte.
3. Maah e Moharram me koi Shaadi-biyah nahi karte.

Teeno baaten Gham hain, Aur gham Haraam hai.
(Ahkaam-e-Shariat, Jild 1, Safa 171)

(14) Najaa’iz baat ka tamaasha dekhna bhi najaa’iz hai.
(Malfuzaat, Safa -286)

**************
▪▪► Maah e Moharram me 10 roz tak Milaad ki mehfil karna aur Huzoor e akram sallallāhu alaihi wa sallam, Khulfa e Rashideen, Ahle bait, Imaam e Husain, Ashaaba aur Shohda e Karbala radiy-Allāhu ta’ala anhuma ke fazaa’il bayaan karna, isaal e ṡawaab ke liye Qur’an khwaani ya Durood shareef aur Kalma ka khatm karna ya Niyaaz khilaana, Paani aur sharbat pilaana ye sab Bid’at e Hasana aur jaa’iz hai.

Aur Taaziyadaari ya’ni Taaziya banaana aur pure ilaaqe me ghumaana aur juloos ke baad use paani me dafn karna ya taaziyagaah (imaam baada) me rakhna, Taaziya ko sajda karna ya Rooku’ ki tarah jhukna ya Tawaaf ki tarah us ke chakkar lagaana ya use chumna ya taaziya ki tasweere rakhkar use chumna ya use lobaan ya agarbatti wagairah karna ye sab BID’ATE MUKAFFARAH (ya’ni Kufr aur Shirk tak pahunchaane waali) hai.

aur Isi tarah khoon nikaalna, maatam karna, noha karna, kaale kapde pehnna, chokaara karna, naachna aur gaana-bajaana, khel tamaasha karna, Kartab dikhaana aur Aur is me aurto ko saamil hona ya dekhne ke liye baahar nikalna ye sab bhi BID’ATE MUKAFFARAH hai.

♦ Kaafiro ka koi bhi tareeqa ya rasm sahi maankar apnaana bhi KUFR hai.

**************
▪▪► Is liye mo’mino ko chaahiye ke Yaum e Aashura wa Shahaadat Ishq e Rasool ke saath sahi tareeqe se manayen aur ALLĀH ki raza haasil karen.

Maah e Moharram me Nafl Namaaz padhkar aur Tilawaat e Qur’an karke, Zikr o Durood padhkar aur Roza rakhkar aur Khairaat karke Imaame Husain aur Shohada e Karbala aur Ahle bait radiy-Allāhu ta’ala anhuma ko Isaale ṡawaab karen.
Aur Meelaad ki mehfil me samil hokar in Hazraat ke fazaa’il sunkar un ke dars par amal karne ki koshish karen aur Sunnat e Rasool ko apnayen.
Aur ALLĀH ta’ala se un ke waseele se dua karen aur foyuz o barkaat hasil karen.

▪▪► Aur Taaziyadaari aur Tamaam buri bid’ato aur khuraafaat se hamesha bachen aur dusro ko bhi in se bachne ke liye kahen.

Aur jo waqt aur maal in me zaaya karke fuzulkharchi karte hain use sahi ilm e deen sikhne me istemaal karen taake sahi aqeede ke saath sahi amal kar saken.
Namaaz, Tilaawat e Qur’an, Zikr o Durood padhen aur Roza rakhen.
Apne Waalidain aur buzurgo ki khidmat karen.
Saadat e kiraam ki khidmat karen.
Zyada se zyada khiraat karen.
Ghareebo aur mohtaajo aur beemaaro ko imdaad karen.
Taalibaan e ilm ko imdaad karen.

**************
Chand shara’it ki paabandi ke saath Taaziyadaari jaa’iz hai :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Taaziya sirf Imaame Husain radiy-Allāhu ta’ala anhu ke Karbala maujood mazaar (dargaah) ke mutaabiq naqsha hona chaahiye.
Magar Taaziya me Turbat banaana na-jaa’iz hai. Isi tarah Taaziya ke andar ya us ke saath Buraaq ya Duldul ghoda wagairah banaana bhi na-jaa’iz hai.
Aur use sirf Imaame Aali maqaam ki dargaah ka naqsha maana jaaye, Taaziya ko Shabi e Imaam Husain maanna galat hai.

(2) Taaziya ko Imaam Husain samajhkar Taaziya se maangna galat hai.
Haan, sirf Imaam Husain aur Ahle bait aur Shohada ke waseele se ALLĀH ta’ala se dua maangna jaa’iz hai.

(3) Taaziya ko paani me dafn karne be-adabi hai. Balke Taaziya ko sambhaal kar ek maqaam par hifaazat ke saath rakha jaaye.
Log us taaziya ke ziyarat karke Imaame Husain aur Shohada e Karbala ki qurbaaniyo ko yaad kar saken.
Taaziya ya’ni Roza e Imaame Husain ki ziyarat karte waqt Ba-adab aur Paak saaf hona zaroori hai.
Taaziya chhoone se bachen taake be-adabi na ho, Sirf khade rehkar ziyarat karen.
Aurten ba-parda ziyarat kar sakti hain.

(4) Taaziya ke saath photo ya video banaana na-jaa’iz hai.
Taaziya ki tasweere rakhkar use chumna ya use lobaan ya agarbatti wagairah karna na-jaa’iz hai.

(5) Mehfile Imaam Husain munaaqid karke Zikre Imaam Husain wa Shohada karna ba-barkat hai.
Juloose Imaame Husain me ba-adab Hamd, Na’at, Manqabat aur Salaat o Salaam padhna jaa’iz hai.
Magar is juloos me Taaziya ko saath lekar ghumaana jaa’iz nahi. Sirf mard baghair taaziya ke zikr karte hue nikle.
Juloos me Maatam, Noha, Chokaara, Naachna, Gaana bajaana, Khel kartab dikhaana ye sab galat aur na-jaa’iz hai.
Aurto ka juloos me ka saamil hona na-jaa’iz hai. Aurten sirf ghar me rehkar juloos me jo Na’at, Manqabat wagairah padha jaaye wo sune.

(6) Isaale ṡawaab ke liye Shabeel banaana, Niyaaz khilaana, Paani aur sharbat pilaana jaa’iz hai.

*************
▪▪► Kuchh sunni sahi ilm e deen na hone ki wajah se sahi amal nahi karte aur khilaaf e shariat amal karte hain.
Hume un ko sahi baat narmi ke saath samajhani hai.

Lekin un nadaan sunniyo ki wajah se koi Imaam e Ahle sunnat aur Maslak e Aala Hazrat ko galat nahi keh sakta.

Aur ye bad-mazhab jo Ahle sunnat wal jama’at ke khilaaf hain
wo bhi sirf aise logo ko dekhte hain jo sunni hone ka dikhaawa karte hain,
Aur phir Maslak e Aala Hazrat ko galat maante hain.

Asl me wo un sunniyo se mile jo shariat e islaam par sahi amal karte hain aur Imaam e Ahle Sunnat ki Kitaaben padhen to
Un ki galat fehmiya door ho jaaye aur unhe pata chale ke Maslak e Aala Hazrat sahi aur behtareen hai aur us me koi baat khilaaf e shariat nahi.

**************
Agar koi sahi ilm na hone ki wajah se sahi baat ko nahi maante to unhe un ke haal par chhod den aur zyada bahes na karen.

Qur’an :
2 Surah al-Baqarah, Aayat 7 :

ALLĀH ne un ke dilo aur kaano par mohar laga di hai aur un ki aankho par parda pad gaya hai aur un ke liye sakht azaab hai.

**************
ALLĀH ta’ala us ke Habeeb sallallāhu alaihi wa sallam ke sadqe me
Sab ko mukammal ishq e Rasool ata farmae aur Sab ko hidaayat ata farmae aur Sab ke Eimaan ki hifaazat farmae aur Sahi ilm e deen haasil karne ki aur Sahi baat samajhne ki taufiq ata farmae aur Sahi nek amal karne ki aur gunaaho aur buri bid’ato aur khuraafaat se bachne ki aur Yaum e Aashura wa Shahaadat sahi tareeqe se manaane ki taufiq ata farmae aur Islaam ka bolbala ata farmae.
Aur in sab baato ko yaad rakhkar amal karne ki aur dusro ko bataane ki taufiq ata farmae.
Aameen.

****************
For more posts Visit :

FikreUmmat.net Updating… .. .

Ahle Bait ka bayaan :

♦ Ahle bait ka Martaba aur fazaa’il :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Aayat e Tat’heer :
Qur’an :
33 Surah al-Ahzaab, Aayat 33 :

إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

ALLĀH to yehi chaahta hai ke Aye Ahle bait, Tum se har napaaki door kar de aur tumhe paak kar de khub saaf kar de.

›› Rabbul aalameen Ahle bait ko zaahiri aur baatini har tarah ki napaaki se paak saaf karna chaahta hai.

(2) Qur’an :
42 Surah ash-Shoora, Aayat 23 :

قُلْ لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَىٰ ۗ وَمَنْ يَقْتَرِفْ حَسَنَةً نَزِدْ لَهُ فِيهَا حُسْنًا ۚ إِنَّ اللَّهَ غَفُورٌ شَكُورٌ

Farma do Aye Nabi ki main tum ko Qur’an sunaane ki ujrat nahi maangta, magar sirf mere Aqaraba se mohabbat rakhna.

(3) Hadeeṡ e Saqlain :
Hadeeṡ e Nabawi :

Huzoor Rasool-Allāh sallallāhu alaihi wa sallam ne farmaaya ki :
‘Main tum me 2 bhaari (qeemati) chize chhod raha hu
1. Kitaabullāh (Qur’an shareef) aur 2. Mere Ahle bait.
In dono ko mazbooti se thaame rehna taake tum gumraah na ho.’

(Sahih Muslim, Jild -6, Safa -122;
Tirmizi, Jild -2, Safa -219, Hadeeṡ -3718;
Abu Daawūd;
Nisaai, Khasa’is, Safa 30;
Tibraani, Taarikh-e-Kabeer;
Hakeem, Mustadrak, Jild -3, Safa -109 aur 148;
Zahabi , Talkhis-e-Mustadrak)

(4) Hadeeṡ e Nabawi :

Huzoor Rasool-Allāh sallallāhu alaihi wa sallam ne farmaaya ki :
‘Mere Ahle bait Hazrate Nooh alaihis salaam ki kashti ke maanind hain,
Jo un ke saath ho gaya wo najaat paaya aur jo un se door hua wo doob gaya.’
(Mishkaat)

(5) Hadeeṡ e Nabawi :

Huzoor Rasool-Allāh sallallāhu alaihi wa sallam ne farmaaya ki :
‘Mujh se mohabbat karo ALLĀH ta’ala ki muhabbat ki khaatir aur mere Ahle bait se mohabbat karo mujh se mohabbat rakhte ho is bina par.’

(Tirmizi , Jild -2 , Safa -220)

(6) Hadeeṡ e Nabawi :

Huzoor Rasool-Allāh sallallāhu alaihi wa sallam ne farmaaya ki :
‘Jo mere Ahle bait me kisi ke saath achha sulook karega main roz e Qayaamat us ka sila use ata farmaunga.’

(Kashaf-ul-Khafaa , 2/313;
Kanz-ul-Ummal 12/90, 34182;
Jaam e Sagheer, 2/533)

(7) Hadeeṡ e Nabawi :

Huzoor Rasool-Allāh sallallāhu alaihi wa sallam ne farmaaya ki :
‘4 khushnaseeb aise hain ke main qayaamat ke din un ki shafa’at karunga.
[1] Mere Ahle bait ki ta’azeem wa izzat karne waala,
[2] Un ke liye un ki zaroorat ki cheezen paish karne waala,
[3] Zaroorat ke waqt un ke kaamo ko pura karne waala,
[4] Dil wa zubaan se un ki mohabbat rakhne waala.’

(Kanz-ul-Ummal, Hadeeṡ -34180)

**********

♦ Ahle Bait ya’ni Rasool-Allāh sallallāhu alaihi wa sallam ke ghar (khaandaan) wale.

♦ Ahle bait e Nabi (Noble Family of Holy Prophet) sallallāhu alaihi wa sallam) me saamil afraad :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

(1) Huzoor Rasool-Allāh Muhammad Mustafa sallallāhu alaihi wa sallam ki Azwaaj e mutahharaat aur Aap ki Aulaad e amjaad radiy-Allāhu ta’ala anhuma,
(Noble Wives & Children of Holy Prophet sallallāhu alaihi wa sallam) :
›› Azwaaj e mutahharaat :
Hazrat Khadeejah bint Khuwaylid radiy-Allāhu ta’ala anha,
Hazrat Sawdah bint Zam’ah radiy-Allāhu ta’ala anha,
Hazrat Aa’isha bint Abu Bakr Siddeeq radiy-Allāhu ta’ala anha,
Hazrat Hafsa bint Umar Faarooq radiy-Allāhu ta’ala anha,
Hazrat Umm-ul-Masaakin, Zainab bint Khuzayma radiy-Allāhu ta’ala anha,
Hazrat Umme Salama, Hind bint Abu Umayya Sohail radiy-Allāhu ta’ala anha,
Hazrat Zainab bint Hajash radiy-Allāhu ta’ala anha,
Hazrat Juwairiya bint Haariṡ radiy-Allāhu ta’ala anha,
Hazrat Umme Habeeba Ramlah bint Abi Sufyaan Sakhr radiy-Allāhu ta’ala anha,
Hazrat Safiya bint Huyaee radiy-Allāhu ta’ala anha,
Hazrat Maymuna bint Haariṡ Aamariya radiy-Allāhu ta’ala anha,

›› Saahabzaade :
Haaris radiy-Allāhu ta’ala anha,
Hazrat (Umme Habeeba) Ramlah bint Abi Sufyaan radiy-Allāhu ta’ala anha,
Hazrat Safiya bint Huyaee radHazrat Qaasim, Abdullāh wa, Ibrāheem radiy-Allāhu ta’ala anhuma.
›› Saahabzaadiya :
Hazrat Zainab, Ruqayya, Umm Kulṡoom, wa Faatima Zahra radiy-Allāhu ta’ala anha.

(2) Abu Taalib Imraan ibne Abdul Muttalib ki aulaad
ya’ni Hazrate Ali, Ja’afar wa Aqeel ibne Abu Taalib aur Umme Haani Faakhitah, Jumaanah, Rayta [Asmaa] binte Abu Taalib radiy-Allāhu ta’ala anhuma;
(3) Hazrate Hamza ibne Abdul Muttalib radiy-Allāhu ta’ala anhu aur un ki aulaad;
(4) Hazrate Abbaas ibne Abdul Muttalib radiy-Allāhu ta’ala anhu aur un ki aulaad;
(5) Hazrate Haariṡ ibne Abdul Muttalib ki aulaad
ya’ni Hazrate Ubaida, Abu Sufyaan Mugheerah, Naufal, Abdullāh, wa Rabia ibne Haariṡ aur Arwa binte Haariṡ radiy-Allāhu ta’ala anhuma;
(6) Hazrate Utbah wa Muattab bin Abu Lahab aur Durrah [Fakhitah] binte Abu Lahab radiy-Allāhu ta’ala anhuma.

›› Huzoor Rasool-Allāh Muhammad Mustafa sallallāhu alaihi wa sallam ke chacha me se Hazrate Hamza aur Hazrate Abbaas radiy-Allāhu ta’ala anhuma ne eimaan ka izhaar kiya tha aur aap ki phuphi me se Hazrate Ateeqa aur Safiya radiy-Allāhu ta’ala anha eimaan laai thi.

♦ Ahle bait ke 3 darje (hisse) hain :
(1) Saakani (Residing) – Huzoor Rasool-Allāh Muhammad sallallāhu alaihi wa sallam ki Azwaaj e mutahhiraat aur Aap ki Aulaad e amjaad radiy-Allāhu ta’ala anhuma;
(2) Nasabi (Successor) – Hazrate Ali al-Murtaza & Hazrate Faatima radiy-Allāhu ta’ala anhuma aur un ki aulaad (nasl);
(3) E’azaazi (Honoured) – Ahle bait ke baaqi afraad.

♦ Huzoor Muhammad Mustafa sallallāhu alaihi wa sallam ke saath Hazrate Ali, Sayyeda Faatima, Imaam e Hasan aur Imaam e Husain Radiy-Allāhu ta’ala anhuma ‘Panjatan’ me saamil hain.

♦ Hazrate Ali al-Murtaza radiy-Allāhu ta’ala anhu aur Sayyeda Faatima radiy-Allāhu ta’ala anha ki aulaad ya’ni Imaame Hasan aur Imaame Husain radiy-Allāhu ta’ala anhuma ko ‘Aale Rasool’ ka martaba mila hai aur Un ki aulaad ko ‘Saadaat’ ka kaha jaata hai.

Hazrat Imaam Hasan al-Mujtaba radiy-Allāhu ta’ala anhu ki nasl Hazrat Imaam Hasan al-Musanna aur Hazrat Zaid rahmatullāhi alaihi se jaari hai.
Aur Hazrat Imaam Husain radiy-Allāhu ta’ala anhu ki nasl Hazrat Imaam Ali al-Awsat Zain-ul-Aabideen rahmatullāhi alaihi se jaari hai.

♦ Hazrat Ali ki dusri biwiyo ke saahabzaade aur un ki aulaad (nasl) ‘Awaan’ kehlaate hain.
In me Hazrat Abbaas, Hazrat Mohammad bin Hanafiya, aur Hazrat Umar al-Atraf rahmatullāhi alaihi ki aulaad saamil hain.

♦ Hazrat Imaam Hasan al-Mujtaba radiy-Allāhu ta’ala anhu Hazrate Ismāeel bin Hazrate Ibrāheem alaihis salaam ki miṡl hain aur Hazrat Imaam Husain radiy-Allāhu ta’ala anhu Hazrate Is’hāq alaihis salaam ki miṡl hain.
Hazrate Ismāeel bin Hazrate Ibrāheem alaihis salaam ki nasl me Sayyed-ul-Ambiya Sarware kaa’inaat Huzoor Mohammad Mustafa sallallāhu alaihi wa sallam tashreef laaye aur Hazrat Imaam Hasan al-Mujtaba radiy-Allāhu ta’ala anhu ki nasl me Sayyed-ul-Auliya Hazrate Mohiy-ud-deen Abdul Qaadir Jeelaani tashreef laaye.
Hazrate Is’hāq alaihis salaam ki nasl me Bani Isrāeel me 70000 Ambiya e kiraam tashreef laaye aur Hazrat Imaam Husain radiy-Allāhu ta’ala anhuki nasl me Aa’imma e Ahle bait tashreef laaye.

***********
Ahle bait se muta’alliq chand khaas baaten :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Azwaaj e mutahhiraat (Huzoor Rasool-Allāh sallallāhu alaihi wa sallam ki biwiya) Ummahaatul mo’mineen hain ya’ni Tamaam ummatiyo ki maan.

Qur’an :
33 Surah al-Ahzaab, Aayat 6 :
Aur aap ki azwaaj e mutahharrat un [mo’mino] ki maaen hain.

(2) Hadees e Nabawi :

Hazrate Ali radiy-Allāhu ta’ala anhu se riwaayat hai ki
Huzoor Rasool-Allāh sallallāhu alaihi wa sallam ne farmaaya
‘(Jis tarah) Apne zamaane ki behtareen aurat Maryam hain aur apne zamaane ki behtareen aurat Khadeeja hain.’

(Bukhari, 3/1388, Hadeeṡ -3604;
Muslim, 4/1886, Hadeeṡ -2430;
Ibn Abi Shaibah Fil-Musannaf, 6/390, Hadeeṡ -32289)

(3) Hazrate Ali radiy-Allāhu ta’ala anhu Maula e kaa’inat aur Faatih e Wilaayat aur Wali e Awwal hain.

Hadeeṡ e Nabawi :

Huzoor sallallāhu alaihi wa sallam farmaate hain :
[1] Ali mujh se hai aur Main Ali se hu.
[2] Aye ALLĀH, Tu us ko dost rakh jo Ali se dosti rakhe aur zaleel kar usko jo Ali se dushmani rakhe.
[3] Jis ka main Maula hu, Ali bhi us ka maula hai.
[4] Aye Ali, Tumhara martaba mere darbaar me aisa hai jaisa Hazrate Moosā ke darbaar me Hazrate Hāroon ka, magar mere baad koi Nabi tashreef nahi laayega.
[5] Main ilm ka shaher hu aur Ali us ka darwaaza.
[6] Ek martaba Huzoor Nabi e kareem sallallāhu alaihi wa sallam ne apna daste e aqdas apne sine mubarak par rakhkar farmaaya ‘Aye Ali! Tum Haadi ho aur mere baad raah paane waale tum se raah paaynge. Wilaayat ke silsile tum se jaari rahenge aur ummat ke Aulia, Ulema aur Ghaus o Aqtaab tum se faiz paaynge.’
[7] Tamaam Nabiyon ki zurriyaat (nasab) un ki sulb me hain aur meri zurriyaat Ali ibne Abu Taalib ki sulb me hai.

(4) Hazrate Sayyeda Faatima Zahra radiy-Allāhu ta’ala anha Khatoon e Jannat aur Sayyedatan Nisa hain ya’ni Tamaam jannati aurto ki Sardaar.

Hadeeṡ e Nabawi :

Huzoor sallallāhu alaihi wa sallam farmaate hain :
ALLĀH ne Faatima aur us ki Aulaad par aag Haraam kar di hai.

(Tirmizi;
Abu Naeem)

(5) Hazrate Imaam e Hasan aur Imaam e Husain radiy-Allāhu ta’ala anhuma Sayyed ush Shababi Ahlil Jannah hain ya’ni Tamaam jannati nau-jawaano ke Sardaar.

Hadeeṡ e Nabawi :

[1] Ye mere bete (Hasan aur Husain) musalmano ke Imaam hain, chaahe wo baithe ho ya khade ho.

[2] Mere tamaam Ahle bait me se Hasan aur Husain se main sab se zyada mohabbat karta hu.

[3] Jis ne Hasan aur Husain se mohabbat ki us ne mujh se mohabbat ki aur jis ne Hasan aur Husain se bughz rakha us ne mujh hi se bughz rakha.

(Sunan Ibne Maajah)

[4] Aye ALLĀH! Main Hasan se muhabbat karta hu, tu us se mohabbat rakh aur jo us se mohabbat rakhe us se tu muhabbat rakh.

(Sahih Bukhari, Hadeeṡ –2122, 5884;
Sahih Muslim, Baab -08, Hadeeṡ –6206;
Ibne Maajah, Hadeeṡ –142)

[5] Husain mujh se hai aur Main Husain se hu.

[6] Ek Din Sayyeda Faatima Zahra Radiy-Allāhu ta’aala anha apne dono shehzaade Hazrate Hasan wa Husain radi-Allāhu ta’ala anhuma ko Leker Huzoor sallallāhu alaihi wa sallam ki baargaah me haazir hui aur arz kiya ki ‘Ya Rasool-Allāh sallallāhu alaihi wa sallam, In dono ko kucha ata farmaiye.’
Huzoor sallallāhu alaihi wa sallam ne farmaya ‘Theek hai. Hasan ko maine Ilm wa Haibat ata kiya aur Husain ko apni Shuja’at wa Karam baksha.’

(Ibne Asaakir, Alal-Amn-wal-Ula, Safa-99)

(6) Hazrate Ameer Hamza ibne Abdul Muttalib radiy-Allāhu ta’ala anhu Sayyed ush Shohada hain ya’ni Tamaam Shaheedo ke Sardaar.

Hadeeṡ e Nabawi :
Jin ki dua qubool hone me der hoti ho unhe chaahiye ke Hazrate Hamza ke waseele se dua karen.

(7) Hazrate Abbaas ibne Abdul Muttalib radiy-Allāhu ta’ala anhu ke waseele se Khalifa aur Ameer-ul-mo’mineen Hazrate Umar Faarooq radiy-Allāhu ta’ala anhu dua maangte to baarish hoti.

(8) Hazrat Anas Radiy-Allāhu ta’ala anhu bayaan karte hain ke Maine Huzoor Rasool-Allāh sallallāhu alaihi wa sallam ko farmaate hue suna hai ki
‘Hum Abdul Muttalib ibn Haashim ki aulaad Ahle Jannat ke Sardaar honge ya’ni Main, Hamza, Ali, Ja’afar, Hasan, Husain Aur Mahadi (radiy-Allāhu ta’ala anhuma).’

(Ibne Maajah, 2/1368, Hadeeṡ -4087;
Al-Minhaaj-us-Sawi, Safa -638, Hadeeṡ -716)

(9) Jung e Badr me kaafiro ne muqabale ke liye ahle Quraish ko bhejne ke liye kaha tab Huzoor Rasool-Allāh sallallāhu alaihi wa sallam ne Hazrate Hamza ibne Abdul Muttalib, Hazrate Ali ibne Abu Taalib aur Hazrate Ubaida ibne Haaris Radiy-Allāhu ta’ala anhuma ko bheja tha.

(10) 10 Hijri me Fateh Makka ke baad Yemen ke Najraan qabeele ke Nasraaniyo (Eisaai) ko Islaam apnaane ka paighaam bheja gaya aur unho ne Huzoor Rasool-Allāh sallallāhu alaihi wa sallam ke saath mubaahila karne ka iraade se chand logo ko Madeena bheje tab Aayat e Mubaahila ke zariye hukm e ilāhi ke baad Huzoor Rasool-Allāh sallallāhu alaihi wa sallam apne saath Hazrat Ali, Sayyeda Faatima, Hazrat Hasan aur Hazrat Husain radiy-Allāhu ta’ala anhuma ko lekar tashreef le gaye. In hazraat ke nooraani chehre dekhkar Nasraaniyo khauf ki wajah se mubaahila karna mauqoof rakha aur ‘Jaziya’ dena muqarrar karke waapas laut gaye.

***********
Mas’ala :
(1) Ye martaba in Hazraat ko nisbat e Rasool-Allāh ki wajah se mila hai.
Kisi bhi Imaam ya Wali ko ye martaba haasil nahi.

(2) Ahle bait ko Zakaat ya Sadqa dena mana hai. Unhe sirf Hadiya de sakte hain.

***********
Ahle bait ke foyuz o barkaat haasil karne ke 9 Tareeqe hain :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

(1) Bai’at – Peer e tareeqat ka mureed hona.

(2) Ta’azeem – Ahle bait aur un se nisbat rakhne waali har cheez ki ta’azeem wa ehtaraam karna.

(3) Sohbat wa khidmat – Ahle bait ki sohbat me rehna ya un ki mehfil me jaana ya un ki khidmat karte rehna aur un ko Nazraana e aqeedat paish karte rehna.

(4) Ita’at – Ahle bait ki ita’at karna aur un ke farmaan par amal karna.

(5) Itteba (Pairwi) – Ahle bait ke Aa’imma wa akaabir ke dars e amal (Qaul o fail) par amal karna.

(6) Tawassul wa Istegaasah – Ahle bait ke waseele se ALLĀH ta’ala se dua karna.

(7) Madah wa Zikr – Apni guftagu me, bayaan me ya manqabat me Ahle bait ke fazaail wa martaba, sirat wa amal, zindagi aur karaamat wagairah ka tazkira karna.

(8) Isaal e ṡawaab – Koi bhi nek kaam karke ya’ni Namaaz, Tilaawat e Qura’n, Zikr o Durood, Roza, Sadqa-Khiraat, Hajj ya Umrah, Tawaaf e Ka’aba, Qurbaani, Nyaaz karke un ko isaal e ṡawaab karna.

(9) Ziyarat – Ahle bait ke mazaar par haazir hona.

***********
Ahle bait se mohabbat ka izhaar karne ke aur un ke foyuz o barkaat haasil karne ke sirf yehi tareeqe hain aur is ke ilaawa kisi bhi naye tareeqe ko sahi maanne waala na-daan hai.
Bad-mazhabo ke galat tareeqe par amal karna ya’ni Moharram me ya Ahle bait ke afraad ke yaum e wisaal ya urs ke mauqe par Maatam, Chokaara, Naachna gaana bajaana, Khel tamaasha ko Ahle bait se mohabbat ki nishaani maanna ye sab naadaani hai.
Aur in sab ko sahi saabit karne ke liye galat daleelen pesh karna ye waqt aur mahenat ko zaaya karna hai.

***********
ALLĀH ta’ala us ke Habeeb sallallāhu alaihi wa sallam ke sadqe me
Sab ko mukammal ishq e Rasool ata farmae aur Sab ke Eimaan ki hifaazat farmae.
Aur Sab ko Ahle bait ki sachi mohabbat ata farmae aur un ki Ta’azeem karne ki aur un ko haajat me imdaad karne ki taufiq ata farmae.
Aur Ahle bait ke waseele se Sab ko un ki pairwi karne ki aur nek amal karne ki taufiq ata farmae.
Aur ye sab baaten yaad rakhne ki aur dusro ko bataane ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.

****************
For more posts Visit :

FikreUmmat.net Updating… .. .

Hajj ka bayaan :

Qura’n :
3 Surah Aale Imraan, Aayat 97 :

وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا ۚ وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ

Aur ALLĀH ta’ala ka haq hai insaan par ke Baitullāh ka Hajj kare jo waha pahunchne ki haisiyat rakhta ho.

5 Surah al-Maa’idah, Aayat 97 :

ALLĀH ne hurmat waale ghar Ka’aba ko logo ke qayaam ka baa’is bana diya hai aur (Zil Hijjah ke) hurmat waale mahine ko (arkaan e Hajj ada karne ke liye chuna hai) aur (Hajj ke liye) Ka’aba (par aane waale logo) ki qurbaani ko aur gale me alaamati patte waale (qurbaani ke) jaanwaro ko bhi (ALLĀH ne hurmat ata farmai), Ye is liye tumhe ilm ho jaaye ke jo kuchh aasmaano me hai aur jo kuchh zameen me hai ALLĀH khoob jaanta hai aur ALLĀH har cheez se bahot waaqif hai.

Hadeeṡ e Nabawi :
Jo shakhs (Hajj farz hone ke baad) Hajj kiye baghair mar jaaye to wo chaahe to Yahudi hokar mare ya Nasraani hokar mare.
(Tirmizi, Jild -1, Safa -167)

***************
♦ Hajj ki Fazeelaten :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
Hadeeṡ e Nabawi :

(1) Huzoor Rasool-Allāh sallallāhu alaihi wa sallam ne farmaaya
‘Hajj aur Umrah karne waale ALLĀH ta’ala ke mehmaan hain. ALLĀH ta’ala ne inhe bulaaya ye haazir hue, inho ne maanga aur us ne inhe diya.’

(Sunan Ibne Maajah, Jild -2, Hadeeṡ -1049)

(2) Hazrte Abdullāh ibne Mas’ood radiy-Allāhu ta’ala anhu se riwaayat hai ke
Huzoor Rasool-Allāh sallallāhu alaihi wa sallam ne farmaaya
‘Hajj aur Umrah mohtaaji aur gunaaho ko aise door karte hain jaise bhatti lohe, chandi aur sone ke mail ko door karti hai aur Hajj e mabroor ka sawaab Jannat hi hai.’

(Tirmizi;
Ibne Maajah;
Ibne Khuzema)

(3) Hajj un gunaaho ko khatm kar deta hai jo paishtar hue.

(4) Jis ne Hajj kiya aur Rafs (fahash kalaam) na kiya aur fisq na kiya to gunaaho se paak hokar aise lauta jaise us din maa ke pait se paida hua.
(Bukhari)

(5) Ek Umrah dusre umrah tak un gunaaho ka kaffara hai jo darmiyaan me hue aur Hajj e mabroor ka sawaab jannat hi hai.
(Ibne Maajah)

(6) Haaji ki maghfirat ho jaati hai aur haaji jis ke liye kare us ki bhi.

(7) Haaji apne ghar waalo me se 400 ki shafa’at karega.

(8) Jo Hajj ke liye nikla aur faut ho gaya to Qayaamat tak us ke liye Hajj ka sawaab likha jaayega aur Jo Umrah ke liye nikla aur faut ho gaya us ke liye Qayaamat tak Umrah ka sawaab likha jaayega aur Jo Jihaad ke liye gaya aur mar gaya us ke liye Qayaamat tak Ghaazi (Mujaahid) ka sawaab likha jaaeyga.

(Sho’ab-ul-Eimaan)

(9) Jo us raah me (Hajj ya Umrah) ke liye nikla aur mar gaya us ki paishi nahi hogi, na hisaab hoga aur kaha jaayega tu jannat me daakhil ho jaa.

(Tibrani;
Bayhaqi)

(10) Agar koi apni (marhoom) Maa ya Baap ki taraf se Hajj kare to un ki taraf se Hajj ada ho jaayega aur use (ya’ni Hajj karne waale ko) majeed 10 Hajj ka ṡawaab milega.

(Darqutani, Jild -2. Safa -229, Hadeeṡ -2587)

***********
♦ Hajj 9 Hijri me Farz hua. Is saal Huzoore akram Rasool-Allāh sallallāhu alaihi wa sallam ne Hazrate Abu Bakr Siddeeq radiy-Allāhu ta’ala anhu ko Ameer ul Hujjaj banakar Sahaaba e kiraam ke saath Hajj ke liye bheja.

♦ 10 Hijri me Huzoore akram Rasool-Allāh sallallāhu alaihi wa sallam ne Hajj ada kiya. Ye hajj ‘Hajjatul Wida’ ke naam se mash’hoor hai.
Kyun ki is Hajj me aap ne apne ashaaba se farmaaya ‘Mujh se Hajj ke ahkaam sikh lo ke is ke baad main Hajj na karunga.’
Aap ne is hajj ke dauraan kai maqaamat par apne ashaaba ke sawaalo ke jawaab diye aur un ko Hajj aur Shariat e islaam ke baare me baaten batai.
Isi dauraan Surah al-Ma’idah ki aayat 3 ‘Al-yauma akmaltu lakum deenkum wa atmamtu alaikum niamati wa radeetu lakumul islaam deenan’ naazil hui.
Aur ALLAH ta’ala Huzoore akram sallallāhu alaihi wa sallam ki dua se Arfaat me Huqooqullāh aur Muzdalifah me Huqooq ul ibaad muaf karne ka waada farmaaya hai.

***********
♦ Hajj ki ta’areef :
‾‾‾‾‾‾‾‾‾‾‾‾‾‾‾‾‾‾‾‾‾‾
ALLĀH ta’ala ki Ibaadaat ke liye Ehraam ke saath Niyyat karke Zil Hijja ke 5 din me ya’ni 8we chaand se 12we din tak Mina me qayaam karke musalsal muqarrar din ko muqarrar waqt par muqarrar maqaam par tarteeb ke saath muqarrar arkaan ya’ni Wuqoof e Arafa, Wuqoof e Muzdalifa, Rami e Jimaar, Qurbaani, Halaq ya Taqseer aur Tawaaf e Ziyarat ada karne ko ‘Hajj’ kehte hain.

***********
♦ Masaa’il :
‾‾‾‾‾‾‾‾‾‾‾‾‾
(1) Hajj us musalman par Farz hai jo Aaqil, Baaligh,Tandurast aur Saahib e isteta’at ho.
Agar in shara’it me se ek baat bhi maujood na ho to Hajj Farz nahi ya’ni Kaafir par, Na-baaligh par, Majnoon (paagal) par, Apaahij ya ma’azoor par, Ghulaam par ya Faqeer (ghareeb) par Hajj farz nahi. Agar aise shakhs ne Hajj kiya to wo Hajj e nafl hoga aur jab us me ye tamaam shara’it aa jaaye to use phir se Fazr hajj karna hoga.

Saahib e isteta’at se muraad wo shakhs hai jis ke paas itna maal hai ke wo Hajj ke safar ka kharch kar sake aur saath me us ke maatehat ya’ni ahlo ayaal, khaadim aur jin ki parwarish un ke zimme hai hajj ke safar se waapas aane tak un ki zaroorat ke liye maal chhod sake.

(2) Musalman par Hajj sirf ek baar hi Farz hai.
Is ke baad jab bhi karega ‘Nafl’ hoga.

(3) Jab Hajj ke liye jaane par qaadir ho gaya foran ya’ni usi saal me hajj farz ho gaya aur ab taakhir karna gunah hai. Chand saal tak na kiya to Faasiq hai aur us ki gawaahi mardood hogi.
Magar jab karega ada hi hai, Qaza nahi.

(4) Kisi ne Hajj ki Mannat maani to wo kaam pura hone par Hajj ada karna Waajib hai.

(5) Hajj ka Ehraam baandha magar ada na kiya to Tauba bhi karni hogi aur aa’inda saal phir se Ehraam baandhkar Hajj ada karna hoga. Agar Makka me hai to Masjid e Haraam aakar Umrah kar le ya’ni Tawaaf aur Saee karke phir Halaq ya Qasr karke Ehraam se baahar ho jaaye.

(6) Jis ka Hajj faut ho gaya ya’ni 9wi Zil Hijja ko muqarrar waqt par Wuqoof e Arfa na mila ho to Masjid e Haraam aakar Umrah kar le ya’ni Tawaaf aur Saee karke phir Halaq ya Qasr karke Ehraam se baahar ho jaaye.
Qaarin ka Hajj fot ho gaya to wo Umrah ka Tawaaf wa Saee karne ke baad ek aur Tawaaf wa Saee kare aur phir Halaq ya Taqseer karke Ehraam se baahar ho jaaye.
Aur aa’inda saal phir se Ehraam baandhkar Hajj ki Qaza kare. Umrah kar chuka hai is liye Umrah ki Qaza nahi.

›› Jis ka Hajj faut hua us ne Umrah karke Ehraam na khola aur usi Ehraam se aa’inda saal Hajj kiya to Hajj sahi na hua. Is liye aa’inda saal naye Ehraam se Hajj karna hoga.

(7) Jis par Hajj Farz ho aur kisi Uzr ki wajah se khud hajj na kar sakta ho to wo apne badle kisi aur ko Hajj ke liye bhej sakta hai. Ise ‘Hajj e Badal’ kehte hain.
Agar dusre ko Hajj e badal ke liye bhejne wala Aajiz na ho ya’ni khud Hajj kar sakta ho to us ki taraf se koi Hajj nahi kar sakta aur karaye to wo Hajj kaafi nahi.
Hajj ke waqt se marne ke waqt tak uzr barabar baaqi rehna zaroori hai. Agar bich me is qaabil ho jaaye ke khud Hajj kar sake to khud Hajj karna zaroori hai, pehle wala Hajj us ke liye kaafi nahi. Haan agar aisa koi uzr tha jis ki jaane ki ummeed na thi aur ittefaakan jaata raha to pehla Hajj jo us ki taraf se kiya gaya wo kaafi hai. Jaise wo andha tha aur Hajj karane ke baad wo ankhyaara ho gaaya to ab dubara Hajj karane ki zaroorat nahi.

**************
♦ Hajj ke muta’aalliq chand zaroori baaten :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Jis ki ijaazat lena waajib hai baghair un ki ijazat Hajj ka safar makrooh hai jaise Waalidain ya Shohar, unhe raza-mand kar len. Agar maa-baap na ho to Daada-daadi ke liye bhi yahi hukm hai.
Agar ijaazat na mile tab bhi farz hajj ke liye chale jaayen.
Nafl hajj ho to mutlaqan waalidain ki ita’at karen.

(2) Aurat ke saath us ka Shohar ya Mahram hona laazmi hai.
Mahram use kehte hain jis se us ka nikaah hamesha ke liye haraam hai.
(Baghair maharam ke hajj karegi to Hajj ho jaayega magar har qadam par gunaah likha jaayega.)

(3) Hajj ke safar ka maqsad sirf ALLĀH ta’ala ki raza aur izhaar e ishq e Rasool sallallāhu alaihi wa sallam hona chahiye, Riyakaari (dikhaawa) aur fakhr nahi.

(4) Saamaan e safar Halaal maal se len warna Hajj qubool hone ki ummeed nahi, agarche farz ada ho jaayega.

(5) Agar Ghusl, Wuzu, Namaaz, Roza wagairah ke sahih masa’il ma’aloom na ho to sikh len.

***********
♦ Hajj ki Qismen :
‾‾‾‾‾‾‾‾‾‾‾‾‾‾‾‾‾‾‾‾‾‾
Hajj ada karne ke 3 tareeqe hain :
(1) Hajj e Ifraad (2) Hajj e Tamattu’ (3) Hajj e Qiraan.

(1) Hajj e Ifraad – Meeqat aur hudood e haram ke darmiyaan rehne waale log Hajj e Ifraad karte hain.
Is me sirf Hajj ka Ehraam baandha jaata hai aur is me Umrah saamil nahi hai.
Mufrid (Hajj e Ifraad karne waale) par Qurbaani waajib nahi balke mustahab hai. (Agar mufrid ki niyaat Qurbaani karne ki hai to qurbaani karne ke baad Halaq ya Qasr karaye aur Ehraam utar de.)

(2) Hajj e Tamattu – Meeqat ke baahar se aane wale Hajj e tamattu’ ada kar sakte hain.
Is me Meeqaat se pehle sirf Umrah ki niyyat ki jaati hai. Umrah ada karne ke baad Halaq ya takseer karwa ke Ehraam khol diya jaata hai aur Zil Hijja ke 8we chaand tak Makka shareef me qayaam kiya jaata hai. Zil Hijja ke 8we chaand phir se Masjide Haram se Ehraam baandh kar Hajj ki niyyat ki jaati hai.

(3) Hajj e Qiraan – Ye Hajj sab se afzal hai aur is ka sawaab ziyada hai.
Is me Umrah aur Hajj ka ehraam ek saath baandha jaata hai ya’ni dono ki niyyat ek saath ki jaati hai.
Qaarin Umrah ke baad jo pehla tawaaf karta hai use ‘Tawaaf e Qudoom’ kehte hain, jo Sunnat hai. Tawwaf e Qudoom ke saath Saee karne ka iraada ho to pehle 3 phero me Ramal aur Iztibah bhi karen.
Qaarin ko Umrah pura hone par Halaq ya kasar nahi karana hai aur Ehraam bhi nahi utarna hai. Qaarin Ehraam ki haalat me hi hone ke sabab use 8wi Zil Hijja ko Hajj ka Ehraam baandhne ki zaroorat nahi.
Qaarin 10 Zil Hijja ko bade shaitaan ki Rami karne ke baad Qurbaani kare aur Halaq ya kasar karaaye. Is ke baad Ehraam ki paabandi khatm ho jaati hai. Yaha tak ehram ki tamaam paabandiya jaari rahegi.
Hajj e Qiraan karne waale se koi Jurm (galti) ho jaye to use Dugna jurmaana (kaffaara) ada karna hoga.

***********
♦ Manaasik e Hajj :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾
›› 8 Zil Hijja :
Hajj ka pehla din – Yaum e Tarwiyyah :
‾‾‾‾‾‾‾‾‾‾‾‾‾‾‾‾‾‾‾‾‾‾‾
♦ Ehraam ke saath Niyyat karke Mina pahunchna. (Shart)
♦ Mina me Zohar, Asr, Maghrib, Ishaa aur 9wi Zil Hijja ki Fajr ki namaaz padhna. (Sunnat)

“”””””””””
›› 9 Zil Hijja :
Hajj ka dusra din – Yaum-ul-Hajj :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾
♦ Suraj nikalne ke baad Arafaat me jaakar rookna. (Farz)
♦ Zohar aur Asr ki namaaz padhna.
♦ Sooraj ghuroob hone ke baad baghair Maghrib ki namaaz padhe Arafaat se nikalna. (Waajib)
♦ Muzdalifah pahunchkar Maghrib aur Isha ki namaaz ek saath padhna. (Waajib)
♦ Phir Rami ke liye kankariya chunna.

“”””””””””
›› 10 Zil Hijja :
Hajj ka teesra din – Yaum-un-Nahar :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾
♦ Fajr ki namaaz padhkar sooraj nikalne ke thodi der tak Muzdalifah me rookna. (Sunnat)
♦ Phir Mina me jaakar bade shaitaan ko 7 kankariya marna. (Waajib)
♦ Phir Qurbaani karna. (Waajib)
♦ Phir Sar ke baal mundwana ya katarwana. (Waajib)
♦ Phir Ghusl karke Ehraam ka libaas utaarna.
♦ Phir Tawaaf e Ziyarat karna. (Farz)
(Is Tawaaf ke saath Saee bhi karna hai.)

“”””””””””
›› 11 Zil Hijja :
Hajj ka chotha din – Yaum e Tashriq :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾
♦ Zawaal ke baad Teeno Jamraat ki Rami karna. (Waajib)
♦ Qurbaani aur Tawaaf e Ziyarat agar 10wi Zil Hijja ko na kiya ho to aaj karna hai.

“”””””””””
›› 12 Zil Hijja :
Hajj ka 5wa din – Yaum e Tashriq :
‾‾‾‾‾‾‾‾‾‾‾‾‾‾‾‾‾‾‾‾‾
♦ Zawaal ke baad Teeno Jamraat ki Rami karna. (Waajib)
♦ Qurbaani aur Tawaaf e Ziyarat agar agle 2 dino me na kiya ho to aaj karna hai.

“”””””””””
▪▪► Tawaaf e Ziyarat ka waqt 12wi Zil Hijja ko ghuroob e aaftaab se pehle tak hi hai.

“”””””””””
▪▪► 12 Zil Hijja ko tamaam umoor se faarigh hokar aap Makka aa sakte hain.
Magar behtar hai ke aap Mina hi me rook kar 13 Zil Hijja ko bhi Rami karke Makka aayen.

“”””””””””
♦ Tawaaf e Wida (Tawaaf e Rukhsat) :
Jab Makka se rawaana hone ka waqt aaye tab ye Tawaaf karna hai.
(Meeqaat ke baahar se aane wale Haajiyo par Waajib hai.)

***********
♦ Hajj ke Fara’iz :
‾‾‾‾‾‾‾‾‾‾‾‾‾‾‾‾‾‾‾‾‾‾
(1) Ehraam ke saath Hajj ki Niyyat karna.
(2) Wuqoof e Arafaat ya’ni 9wi Zil Hijja ko Zawaal ke baad se Arafaat me thehrna.
(3) Tawaaf e Ziyarat.
(4) Arkaan ki tarteeb.
(5) Har farz ko us ke waqt par ada karna.

♦ Hajj ke Waajibaat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Meeqaat se Ehraam bandhna.
(2) Wuqoof e Arafaat me sooraj doob jaaye waha tak thehrna.
(3) Wuqoof e Muzdalifah.
(4) Muzdalifah me aakar Maghrib wa Ishaa ki namaaz ikttha ada karna.
(5) Muzdalifah se Mina aakar Rami e Jimaar karna ya’ni 10wi ko bade shaitaan ko kankariya maarna (Tuloo e aaftab se zawaal tak ka waqt Sunnat hai.) aur 11wi aur 12wi ko Zawaal ke baad teeno shaitaano mo kankariya maarna.
(6) Bade shaitaan ki Rami ke baad Qurbaani karna aur baad me Halaq ya Kasar karana.
(7) Qaarin aur Mutamatti par Qurbani waajib hai.
(8) Wuqoof e Arfaat ke baad se sar mundaane ya baal katrwaane tak Jima’a na karna.
(9) Tawaaf e Ziyarat ke pehle 4 chakkar farz aur baaqi 3 chakkar waajib hai.
(10) Saee arna ya’ni Safa-Marwa ke darmiyaan 7 chakkar lagaana.
(11) Tawaaf e Wida (Tawaaf e Rukhsat)
(Meeqat ke baahar se aane wale Haajiyo par Waajib hai.)

♦ Hajj ki Sunnaten :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Tawaaf e Qudoom (Mufrid aur Qaarin ke liye Sunnat hai.)
(2) Tawaaf e Farz ya Tawwaf e Qudoom me Ramal karna.
(3) Saee me Safa-Marwa ke darmiyaan jo Milain akhzarain hain unke darmiyaan mardo ko daudna.
(4) Hajj ke liye 8we chaand namaaz e Fajr ke baad Makka shareef se rawaana hona aur Mina me 5 namaazen padhna.
(5) 9wi raat Mina me guzaarna aur sooraj nikalne ke baad Mina se Arfaat ko rawaana hona.
(6) Wuqoof e Arafaat ke liye Ghusl karna.
(7) Arafaat se waapasi me Muzdalifah me raat thehrna aur Tuloo aaftaab (sooraj nikalne) se pehle Muzdalifah se mina ki taraf rawaana hona.
(8) Qurbaani aur Halaq ya taqsir ke baad ghusl karke ehraam utaar dena.
(9) Mabeet ya’ni 11wi, 12wi aur (13wi ko rookna ho to) 13wi raat Mina me guzaarna.

***********
♦ Aashiqaane Mustafa ko sab se badi khushqismati ye haasil hogi ke
Makka me Hajj ke arkaan ada karne ke baad wo Madeena munawwara me Roza e Rasool sallallāhu alaihi wa sallam par haazir hokar Ziyarat karenge aur Salaam pesh karenge.
Aur Masjid e Nabawi me Ibaadat aur Dua karenge.

***********
Hajj Training Camp :

Hajj Training Camp :

Aashiqaane Mustafa se guzarish hai ki
Is links ko bhi open karke post padhen aur Share karen.

***********
ALLĀH ta’ala us ke Habeeb sallallāhu alaihi wa sallam ke sadqe me
Sab ko Ka’abatullāh aur Roza e Rasool ki ziyarat ki sa’adat ata farmae.
Aur jo khushnaseeb Mo’min Hajj ke liye jaa rahe hain un ki Hajj, Umrah, Tawaaf aur Ibaadat ko aasaan farmae aur qubool farmae.
Aur un ki tamaam jaa’iz duaen qubool farmae.
Aameen.

****************
For more posts Visit :

FikreUmmat.net Updating… .. .

Qurbaani ka bayaan :

Qur’an :
108 Surah al-Kauṡar, Aayat 2 :

فَصَلِّ لِرَبِّكَ وَانْحَرْ
Pas apne Rab ke liye Namaaz padho aur Qurbaani diya karo.

Hadeeṡ e Nabawi :

(1) Hazrate Aa’isha Siddeeqa radiy-Allāhu ta’ala anha se riwaayat hai ki :
Huzoor Rasool-Allāh sallallāhu alaihi wa sallam ne farmaaya
‘Qurbaani ke dino me aadami ka koi kaam Rab ki baargaah me khoon bahane (ya’ni jaanwar ki Qurbaani karne) se zyada pyara nahi aur wo jaanwar qayaamat ke din apni singo aur khuro ke saath aayega aur qurbaani ka khoon zameen par girne se pehle Rab ta’ala ke nazdeek qubooliyat ke maqaam pahunch jaata hai.’
(Tirmizi;
Ibne Maajah)

(2) Hazrat Imaam Hasan al-Mujtaba ibn Ali radiy-Allāhu ta’ala anha se riwaayat hai ki :
Huzoor Rasool-Allāh sallallāhu alaihi wa sallam ne farmaaya
‘Jis ne khulus dil se Taalib e sawaab ho kar qurbaani ki wo Qurbaani jahannam ki aag se aad ho jaayegi.’

(3) Hazrate Abu Huraira radiy-Allāhu ta’ala anhu se riwaayat hai ki :
Huzoor Rasool-Allāh sallallāhu alaihi wa sallam ne farmaaya
‘Jis par Qurbaani waajib ho aur wo na kare to hamari Eidgaah ke qareeb hargiz na aaye.’
(Ibne Maajah)

(4) Hazrat Jundab radiy-Allāhu ta’ala anhu se riwaayat hai ki :
Huzoor Rasool-Allāh sallallāhu alaihi wa sallam ne Namaaz padhane ke baad Khutba diya, Phir Qurbaani ki aur farmaaya,
‘Jis ne (Eid Ki) Namaaz se pehle Qurbaani kar di ho use badle me dusre jaanwar ki Qurbaani karni chaahiye Aur jis ne Namaaz se pehle Qurbaani na ki ho wo ALLĀH ke naam se Qurbaani kare.’
(Sahih Bukhari, Jild -2, Hadeeṡ -985)

(5) Huzoor Rasool-Allāh sallallāhu alaihi wa sallam ne Hazrate Sayyeda Faatima radiy-Allāhu ta’ala anhu se farmaaya
‘Aye Faatima, Utho aur apni qurbaani ke jaanwar ke paas maujood raho, us ke khoon ka pehla katra girte hi saahib e qurbaani ki tamaam khatayen muaf kar di jaati hai.’

**************
Qurbaani ki ta’areef :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
ALLĀH ke liye ṡawaab ki Niyyat se Khaas jaanwar ko makhsoos ayyaam me zibah karna ‘Qurbaani’ hai.

****************
Masa’il :
‾‾‾‾‾‾‾‾‾‾
(1) Qurbaani Musalmaan, Muqeem, Aazaad, Maalik e nisaab par Waajib hai.

(2) Qurbaani Mard aur Aurat dono par waajib hai.

(3) Musaafir par qurbaani waajib nahi, lekin agar nafl ke taur par karna chaahe to kar sakta hai sawaab paayega.

(4) Qurbaani ek maali ibaadat hai jo Ghani par waajib hai.

(5) Maalik e nisaab se muraad itna maal ho jitne maal se Sadqa e fitr waajib hota hai ya’ni haajat e asliya ke ilaawa 200 dirham (saade 52 tola chaandi) ya 20 deenaar (saade 7 tola sona) ka maalik ho.

(6) Maqrooz (Qarzdaar) ke paas itna maal hai ke Qarz nikaalne ke baad Nisaab tak pahunch jaata hai to us par Qurbaani waajib hai, warna nahi.

(7) Agar kisi ke paas maal hai magar is waqt maujood nahi ya’ni qurbaani ke baad milega to us par Qurbaani Waajib nahi ayyaam e Qurbaani me bhi nahi aur is ke baad bhi nahi.

(8) Agar pariwaar me jitne shakhs Maalik e nisaab hain un tamaam par alag alag Qurbaani karna Waajib hai.
Sirf baap hi saahib e nisaab hai to sirf usi par Qurbaani Waajib hai, aulaad par nahi. Agar wasiyat karke milkiyat ka hissa zaahir kar diya ho magar aulaad ko un ka hissa nahi mila hai ya baap ke marne ke baad milega to wo saahib e nisaab nahi. Is soorat me Aulaad ki taraf se Qurbaani Mustahab hai.
Aulaad me se jo bhi saahib e nisaab ho un sab par Qurbaani Waajib hai, Waalid ki Qurbaani kaafi nahi.
Isi tarah Biwi saahib e nisaab hai to us par Qurbaani Waajib hai.

(9) Kisi ne Qurbaani ke liye jaanwar kharida tha wo gum ho gaya aur us ka maal nisaab se kam hua to us par dusra jaanwar kharidkar Qurbaani karna Waajib nahi.
Agar wo jaanwar Ayyaam e Qurbaani me hi mil jaaye to us waqt saahib e nisaab hai to Qurbaani Waajib hai warna Mustahab.

**************
Qur’an :
22 Surah al-Hajj, Aayat 37 :

Hargiz ALLĀH ko na to un (qurbaaniyo) ka gosht pahunchta hai aur na un ka khoon magar ise tumhari taraf se Taqwa [parhezgaari] pahunchta hai.

ALLĀH ta’ala sirf Qurbaani ya’ni Jaanwar ko zibah karna nahi maangta, balke Qurbaani ke saath Ahkaam e shariat ki paabandi aur parhezgaari aur Islaam ke liye apne maal wa jaan ki qurbaani pesh karne ka jazba chaahta hai.
Is liye Qurbaani me Ikhlaas aur Raza e ilāhi ki aur Ita’at wa Itteba e Rasool sallallāhu alaihi wa sallam ki niyyat honi chaahiye. Riya (dikhaawa) aur Takabbur waali Qurbaani maqbool na hogi. Haan, ye khushi honi chaahiye ke ALLĀH ta’ala ne apne fazl se Qurbaani karne ke qaabil banaaya.

Qurbaani Hazrate Ibrāheem alaihis salaam ki Sunnat hai. Aap ALLĀH ta’ala ke farmaan par apne ek laute farzand Hazrate Ismā’eel alaihis salaam ki Qurbaani paish karne ke liye tayyar hue aur dono baap aur bete ne apne mukammal Ishq e ilāhi paish kiya. ALLĀH ta’ala ne in ki Qurbaani qubool farmaakar Hazrate Jibr’eel alaihis salaam ke saath jannat se dumba bheja aur Hazrate Ismaa’eel alaihis salaam ke badle us dumbe ki qurbaani hui.
Is liye musalman ko Qurbaani ka puri tarah ehtaraam karna laazim hai.

(1) Qurbaani aur Qurbaani ke jaanwaro ke ta’aalluq se kisi bhi qism ke behuda faaltu Lateefe (Jokes), Shaayari, Tasweeren, Audio ya Video share na karen.

(2) Jaanwar kharidte waqt us ki munaasib qeemat ada karen, na bahot zyada na bahot kam. Agar 15000 se 20000 ki qeemat ka jaanwar mil jaata hai jo qurbaani ke laa’iq hai to wo hi behtar hai. 100000 se 150000 ka jaanwar kharidna ye fuzul-kharchi (maal ko zaaya karna) hai aur is me Riya aur Takabbur saamil hai. Agar kam qeemat me jaanwar mil jaata hai to baaqi raqam ko aap khairaat karke ghareebo-miskeeno aur haajatmando ko madad kar sakte hain.

(3) Qurbaani ka jaanwar kharidne me aur deeagar kharch me sirf Halaal maal ko kharch karen, Haraam maal se ki gai qurbaani maqbool na hogi.

(4) Qurbaani ke jaanwar kharidte waqt ya un ko apne makaan par rakhne ke dauraan ya Zibah karne ke dauraan ya us ke baad photo ya video banaana ye bhi gunaah hai.

**************
Qurbaani ke jaanwar ke masaa’il :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Oont, Gaaye, Bail, Bhens, Bakri, Bhed, Dumba in jaanwar ki Qurbaani ho sakti hai.
Nar ho ya maada, Khassi ho ya ghair-khassi.

Wehshi (jangali) jaanwar jaise Hiran, Neel gaaye, Baara singha wagairah ki Qurbaani nahi ho sakti.

(2) Jab kisi shakhs me aage bayaan ki gai Qurbaani ki Sharten paai jaaye to us par Bakri, Bhed ya Dumba Zibah karna ya Bade jaanwar ya’ni Oont, Gaaye, Bail ya Bhens ka 7wa hissa Waajib hai. Is se kam nahi ho sakta, ya’ni 1 shakhs ki taraf se 1 jaanwar ki Qurbaani karni hogi aur bade jaanwar me 7 se zyada log shareek nahi ho sakte.

(3) Qurbaani ke jaanwar ki umr :
Oont 5 saal;
Gaaye, Bail, Bhens 2 saal;
Bakri, Bhed, Dumba 1 saal.

Is se kam umr ho to najaa’iz hai.
Haan, Agar Dumba ya Bhed ka 6 maaha bacha itna bada ho ke door se dekhne me saal bhar ka maaloom hota ho Qubaani jaa’iz hai.

(4) Qurbaani ka jaanwar mota, taaza aur achha hona chaahiye. Aibi na hona chaahiye.
Agar thoda sa aib ho to qurbaani ho jaayegi magar makrooh rahegi aur agar ziyada aib hai to hogi hi nahi.

Munda jis ke paidaishi sing na ho jaa’iz hai.
Agar singh the aur tut gaye meng (guda) tak tut gaye to jaa’iz nahi is se kam tuta to jaa’iz hai.

Behad dubla, Andha, kaana, langda, kaan kata, dum kata, be dant ka, than kata,than sukha, naak kata, paidaishi be-kaan ka, beemaar, khansa (jis ke dono nishaaniya ho), jal’lala (jo sirf ghaliz khata ho) in sab ki qurbaani jaa’iz nahi.

Beemaari agar khafifa hai aur langdapan halka hai ki chal fir leta hai qurbaan-gaah tak ja sakta hai ya naak, kaan, dum tihai se ziyada nahi kate to jaa’iz hai.

Aisa paagal jaanwar jo charta na ho, ya kisi beemaari ki wajah se chaara na khaa sakta ho, Itna kamzor ke theek se khada na reh sakta ho aise jaanwar ki qurbaani jaa’iz nahi.

Qurbaani karte waqt jaanwar uchhla kooda aur us se aibi ho gaya to harj nahi.

(5) Qurbaani ki aur pait me zinda bacha hai to use bhi zibah kar den ya Aur kaam me bhi laa sakte hain aur mara hua ho to use phenk den.
Kharidne ke baad Qurbaani se pehle jaanwar ne bacha de diya to use bhi zibah kar daalen aur agar bech diya to us ki qeemat ko Sadqa karen.
Agar Ayyaam e Qurbaani me zibah na kiya to zinda sadqa kar den.

**************
Qurbaani me Shirkat ke masa’il :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Jab Bade jaanwar ki qurbaani me 7 log shareek ho to agar kisi shareek ka hissa 7we se kam hai to kisi ki Qurbaani sahi na hogi.
Haan, agar 7 se kam shareek ho aur hisse bhi kam o besh ho, Lekin kisi ka hissa 7we se kam na ho to jaa’iz hai.

(2) Qurbani ke tamaam shareeko ki niyyat taqarrub ya’ni sawaab paana hona chaahiye, khaali gosht haasil karna na ho. Lihaaza Aqeeqa karne waala shareek ho sakta hai (ki Aqeeqa bhi taqarrub ki ek surat hai).

(3) Qurbani me sirf mo’mino ko hi shareek karen, Kaafir ya bad-mazhab ko shareek karna jaa’iz nahi.

**************
Qurbaani ka waqt :
‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Qurbaani ka waqt 10wi Zil Hijja ki Subah saadiq se 12wi ke Ghuroob e aaftaab tak ya’ni 3 din aur 2 raaten; Lekin 10wi ko afzal hai. phir 11wi, phir 12wi.

(2) Qurbaani ke waqt me qurbaani hi karna laazim hai itni raqam ya itni qeemat ka jaanwar Sadqa karne se waajib ada na hoga.

(3) Qurbaani ke din guzar jaane ke baad qurbaani faut ho gai, ab nahi ho sakti . Lihaza agar koi jaanwar qurbaani ke liye khareed rakha hai to us ko sadqa kare warna ek bakri ki qeemat sadqa kare.

(4) Shaher me qurbaani ki jaaye to shart ye hai ki namaaz e Eid ke baad ho, aur dehaat me chunki namaaz e Eid nahi hai is liye subah saadiq ke baad ho sakti hai.

**************
Qurbaani ka tareeqa :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Behtar ye hai ke jaanwar umda farbah ho.
Qurbaani se pehle use chaara paani de den ya’ni Bhuka pyaasa zibah na karen.

(2) Ek ke saamne dusre ko zibah na karen.

(3) Pehle Se chhuri tez kar len aisa na ho ke Janwar giraane ke baad us ke saamne chhuri tez ki jaaye.

(4) Jaanwar ko Baayen pehlu par is tarah letaaye ke Qibal ki jaanib us ka munh ho aur daahina paav us ke pehlu par rakhkar tez chhuri se jald zibah kar diya jaaye.

(5) Zibah se pehle ye Dua padhen :

“اِنِّیْ وَجَّهْتُ وَجْهِيَ لِلَّذِيْ فَطَرَالسَّمٰوٰت وَالْاَرْضَ حَنِيْفًا وَّمَا اَنَا مِنَ الْمُشْرِكِيْن. اِنَّ صَلٰوتِيْ وَنُسُكِيْ وَمَحْيَايَ وَمَمَاتِيْ لِلّهِ ربِّ الْعٰلَمِيْ
لََا شَرِيْكَ لَه وَبِذٰلِكَ اُمِرْتُ وَاَنَا مِنَ الْمُسْلِمِيْنَ. اَللّهُمَّ لَكَ وَ مِنْكَ بِسْمِ اللهِ اللهُ اَكْبَرُ ”

Inni wajjahtu wajahiyaa lillazee fataras-samaawaati wal arda Haneefanw wama anaa minal mushrikeen, Inaas salaatee wa nusukee wa mahyaayaa wa mamaatee lillāhi Rabbil aalameen. Laa shareeka lahoo wa bizaalika umirtu wa anaa minal muslimeen. Allāhumma laka wa minka Bismillāhi Allāhu Akbar.

Ise padhkar foran Zibah kar den.

Qurbaani apni taraf se ho to zibah ke baad ye Dua padhen :

” اَللّھُمَّ تَقَبَّلْ مِنِّيْ كَمَا تَقَبَّلْتَ مِنْ خَلِيْلِكَ اِبْرَاهِيْمَ عَلَيْهِ السَّلَام وَحَبِيْبِكَ مُحَمَّدٍ صــلَّى اللّٰــهُ تعـَـالٰى عَليْــه وسَـلَّمْ ”

Allāhumma taqabbal minni kamaa taqabbalta min khaleelika Ibrāheem alaihis salaam wa Habeebika Mohammadin sallallāhu alaihi wa sallam.

Aur agar dusre ki taraf se Zibah karna hai to “مِنِّي ” ki jagah “مِن” ke baad us shakhs ka naam len.
Aur mushtarik jaanwar hai to sab shareeko ke naam len.

(6) Is tarah Zibah karen ke chaaron ragen (Hulqum jis se saans aati jaati hai, Muri jis se khaana wa paani utarta hai aur Wadajain in kea gal bagal do ragen jin me khoon ki rawaani hoti hai) kat jaayen ya kam se kam teen ragen kat jaayen. Is se zyada na kaate ke chhuri gardan ke mohra tak pahunch jaaye.

(7) Phir jab tak Jaanwar thanda na ho jaaye ya’ni jab tak us ki rooh bilkul nikal na jaaye us ke Paav wagairah na kaate na khaal utaaren.

(8) Agar dusre se zibah karayen to behtar hai ke khud bhi haazir rahe.

(9) Kaafir ya Bad-mazhab ka Zibah kiya hua Halaal nahi hai.

**************
Qurbani ke Gosht ke masa’il :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Qurbaani ke gosht ke 3 hisse karen :
1 hissa Ghareebo aur mohtaajo ke liye,
1 hissa Rishtedaaro aur azeezo ke liye,
Aur 1 hissa Apne aur ghar walo ke liye.

(2) Agar ghar waale zyada ho to kul gosht ghar ke sarf me la sakta hai.
Aur agar kul Sadqa karna chaahe to bhi kar sakta hai agarche 1 hissa apne liye behtar hai.

(3) Agar Qurbaani ka jaanwar Mushtarik hai to Gosht tolkar taqseem kiya jaaye. Atkal (andaaze) se na baante ke Agar kisi ko zyada pahunch gaya to dusre ke muaf karne se bhi jaa’iz na hoga ke haq shara’an hai.
Phir apne hisse ke gosht ke 3 hisse karen.

(4) Agar mayyat ki taraf se (nafl) qurbaani ki to is ke gosht ka bhi isi tarh 3 hisse karne ka hukm hai.

Albatta agar mayyat ne kaha tha ki meri taraf se qurbaani kar de na to is surat me kul gosht Sadqa kar den.
Qurbaani agar mayyat ki hai to us ka gosht na khud kha sakta hai na ghani ko khila sakta hai, Balke us ko Sadqa karna waajib hai ya’ni ghareebo ko de den.

(5) Qurbaani karne waala Eid ul Ad’ha ke din sab se pehle Qurbaani ka gosht khaaye ye Mustahab hai.

(6) Halaal jaanwar ke bhi chand aaza khaana mamnoo hai :
[1] Murara (Pitta) [2] Masaana (Phunkna) [3] Ojhdi [4] Am’aa (Aante) [5] Dubar (Pakhaana khaarij hone ka maqaam) [6] Unsayain (Kapura) [7] Zakar (Nar jaanwar ki peshaab-gaah) [8] Furj (Maada jaanwar ki peshaab-gaah) [9] Putthe (Gardan me dono taraf kandho tak pile rang ka hissa) [10] Gudood (Gosht me jo jame hue Khoon ki Gaanthe hoti hain).

Nutfaa (Manee), Woh nutfaa jo khoon ho gaya, ya gosht ka lothda ho gaya, ya pura jaanwar ban gaya aur murda nikla ya zibah kiye baghair mar gaya wo bhi haraam hai.

Dame Masfuh (Zibah karte waqt jo khoon nikalta hai) haraam hai.
Zibah k baad jo khoon gosht me reh jaata hai -jaise gardan ke kate hue hisse par, Dil ke Andar, Kaleji aur Tilli me aur gosht ke andar ki chhoti chhoti ragon me,Ye sab naapaak to nahi magar is Khoon ka bhi khaanaa mamnu hai.
Is liye pakaane se pehle khoob achchi tarah safaai kar len.

Pakne ke baad wo ragen kaali dori ki tarah ho jaati hain – Khaas kar Bheje, Sirri, Paaye aur Murghi ki Raan aur Par ke gosht me, baarik kaali Doriyan dekhi jaati hai, khaate waqt in ko nikaal den.

(7) Qurbaani ke gosht ya chamda kassaab ya zibah karne wale ko mazdoori me nahi de sakte. Haan, hadiyatan hissa diya tode sakte hain jab ke ujrat me shumaar na karen.

(8) Qurbaani ki khaal Deeni madrase me dena jaa’iz hai. Aur use bechkar us ki qeemat bhi madrase me de sakta hai.

(9) Baaz jagah qurbaani ka chamda Masjid ke Imaam ko dete hain, Agar tankhwaah me na diya jaaye balke bataure madad ke den to harj nahi.

(10) Kaafir (Ghair-muslim) ko Qurbaani ka gosht dena mana hai. Is ka khayaal rakhen.
Agar un ko dena ho to dusra gosht kharidkar alag rakhen aur us me se den.

(11) Chmda, jhola, rassi sab sadqa kar den.
Chamde ko khud apne kaam me bhi la sakta hai.
Maslan bichhauna, jaanamaaz, dol, wagairah bana sakta hai. Lekin bechkar us ki qeemat apne kaam me kharch karna jaa’iz nahi.
Agar bech diya to us raqam sadqa kar dena Waajib hai.

(12) Ghareebo aur haajat-mando ko un ka hisse ka Qurbaani ka gosht pahunchane me jaldi karen taake wo us gosht ko khaakar Eid ul Ad’ha ki khushi mana saken. Rishtedaaro aur azeezo ko bataur e hadiya gosht diya jaata hai. Is liye jin ke yaha qurbaani hoti hai un ko gosht der se mile to un ko koi farq nahi padega. Magar Ghareebo ko gosht jaldi pahunchakar un ki duaen haasil karen. Jaanbuzkar der karna sahi nahi hai.

(12) Qurbaani ke baad jo jaanwar ke jin aaza ko khaana haraam ya makrooh hai unhe dafn kar diya jaaye, raaste par ya kude me daalna sahi nahi hai.
Aur jaanwar ka gosht ya haddi wagairah bhi raaste par ya kude me na daalkar be-hurmati na karen.
Isi tarah jaanwar ka pakhaana ya dusri napaaki raaste par daalkar gandagi karke dusro ko takleef dena buri baat hai aur gunaah hai. Is se bachen.

****************
Kassaab ko jaanwar zibah karne ki ujrat jaldi de den. Jaanbujh kar Der karna gunaah hai.

*********
ALLĀH ta’ala us ke Habeeb sallallāhu alaihi wa sallam ke sadqe me
Sab ko mukammal ishq e Rasool ata farmae aur In baato ko yaad rakhkar amal karne ki aur dusro ko bataane ki taufiq ata farmae.
Aur Sab ko Ikhlaas ke saath ALLĀH ta’ala ki raza ke liye Qurbaani karne ki taufiq ata farmae aur Qurbaani qubool farmakar foyuz o barkaat ata farmae.
Aameen.

****************
For more posts Visit :

FikreUmmat.net Updating… .. .

Hajj Training Camp :

Aashiqane Mustafa se aur Khaas kar Hajj ke Mubarak safar par jaane waale Haaji saahibano se guzarish hai ki
In links ko open karke Videos download karen,
Taaki Hajj ki tayyari karne me aur Hajj ke safar me aasaani ho aur Aap behtar tareeqe se Hajj wa Ziyarat ada kar saken.

Part 1

Part 2

Part 3

Part 4

Part 5

Part 6

Part 7

***********
ALLĀH ta’ala us ke Habeeb sallallāhu alaihi wa sallam ke sadqe me
Sab ko Ka’abatullāh aur Roza e Rasool ki ziyarat ki sa’adat ata farmae.
Aur jo khushnaseeb Mo’min Hajj ke liye jaa rahe hain un ki Hajj, Umrah, Tawaaf aur Ibaadat ko aasaan banaaye aur qubool farmae.
Aur un ki tamaam jaa’iz duaen qubool farmae.
Aameen.

****************
For more posts Visit :

FikreUmmat.net Updating… .. .

Eid-ul-Fitr ka bayaan :


Hadeeṡe Nabawi :

(1) Hazrate Abu Huraira radiy-Allāhu ta’ala anhu se riwaayat hai ki
Huzoor Rasool-Allāh sallallāhu alaihi wa sallam ne farmaaya
‘Ramazaan ki aakhir raat me is ummat ki bakhshish hoti hai.’
Kaha gaya ‘Kya wo Shab e Qadr hai?’
Huzoor sallallāhu alaihi wa sallam ne farmaaya ‘Nahi, Kaam karne walo ko us waqt mazdoori puri di jaati hai jab wo kaam pura kar le.’
(Ahmad)

(2) Hazrat Anas radiy-Allāhu ta’ala anhu se riwaayat hai ki
Huzoor Rasool-Allāh sallallāhu alaihi wa sallam ne farmaaya
‘Jab Shab e Qadr aati hai to Hazrate Jibr’eel alaihis salaam farishto ki jama’at ke saath aate hain aur har us banda ke liye bakshish ki dua karte hai jo khade hokar ya baithkar ALLĀH ta’ala ke zikr me laga rahta hai.
Phir jab unhe Eid ka din naseeb hota hai to ALLĀH ta’ala apne un bando par apne farishto ke saamne apni khushi zaahir karta hai aur farmaata hai ki ‘Aye mere farishto, Us mazdoor ki mazdoori kya hai jo apna kaam pura kar de?’
Farishte kehte hain ki ‘Aye hamare Parwardigaar! Us ki mazdoori ye hai ki us ko pura badla diya jaaye.’
ALLĀH ta’ala farmaata hai ‘Aye mere farishto! Mere bando aur meri bandiyo ne (mere muqarrar kiye hue) farz ko ada kar diya. Ab wo gharo se dua ke liye eidgaah ki taraf nikle hain. Qasam hai apni izzat, apne jalaal, apni shaan, apni badai aur apni rif’at aur apni bakhshish wa rahmat ki, main un ki duao ko qubool karunga.’
Phir ALLĀH ta’ala farmaata hai ‘Aye mere bando! Apne gharo ko laut jaao, maine tumhe bakhsh diya aur tumhari buraiyo ko tumhari nekiyo me badal diya.
To muslaman Eidgaah se is haal me waapas hota hai ki uske gunaah bakhsh diye jaate hai.
(Bayhaqi)

*****************
Maah e Shawwaal ka chaand (Eid-ul-Fitr ka chaand) dekhkar ‘Surah al-Lahab’ padhen.

بِسْمِ اللَّهِ الرَّحْمَٰنِ الرَّحِيمِ
تَبَّتْ يَدَا أَبِي لَهَبٍ وَتَبَّ
مَا أَغْنَىٰ عَنْهُ مَالُهُ وَمَا كَسَبَ
سَيَصْلَىٰ نَارًا ذَاتَ لَهَبٍ
وَامْرَأَتُهُ حَمَّالَةَ الْحَطَبِ
فِي جِيدِهَا حَبْلٌ مِنْ مَسَدٍ

Bismillāh ir-Rahmān ir-Raheem.
Tabbat yadă abee lahabinw wa tabb.
Mă agnā anhu maaluhū wan a kasab.
Sayaslā naaran zaata lahab.
Wa-mra atuhū, Hamma latal hatab.
Fee jeedihaa hablum mim masad.

Phir ye masnoon dua padhen :

ﺍﻟﻠَّﻬُﻢَّ ﺃَﻫِﻠَّﻪُ ﻋﻠَﻴْﻨَﺎ ﺑِﺎﻷَﻣْﻦِ ﻭﺍﻹِﻳﻤَﺎﻥِ ﻭَﺍﻟﺴَّﻼﻣَﺔِ ﻭﺍﻹِﺳْﻼﻡِ ، ﺭَﺑّﻲ ﻭﺭَﺑُّﻚَ ﺍﻟﻠَّﻪ ، هِلالُ رُشْدٍ وخَيْرٍ
Allāhumma ahillahu alayna bil amni wal eimaani was salaamati wal islaami Rabbi wa Rabbuk-Allāh hilaalu rushdin wa khayrin.

Tarjuma :
‾‾‾‾‾‾‾‾‾‾‾‾
Aye ALLĀH is (mahine) ko hum par amn aur eimaan aur salaamati aur islaam ke saath , Mera Rab aur tera Rab ALLĀH hai ye chaand hidaayat aur khair waala ho.
(Tirmizi, Jild -2, Hadeeṡ -1376 /Hasan)

*****************
Eid ki raat ko ‘Layltul Jaayza’ (in’aam ki raat) kaha jaata hai.
Is raat me mo’min ki duaen baargaah e ilāhi me maqbool hoti hai aur ALLĀH ta’ala bande ke liye jo behtar hai wo use ata farmaata hai.

Is raat ko zyada se zyada ibaadat aur dua me guzaaren.

2 rak’at namaaz Salaat-ush-Shukr padhen ke ALLĀH ta’ala ne Eid ka mubarak khushi ka din ata farmaaya.
Salaat-ul-Tasbeeh bhi padhen ke is ki beshumaar fazeelaten hain.
Salaat-ut-Tahajjud bhi padhen.
Apni jo namaaze chhut gai hain un ki Qaza namaazen padhen taaki bari uz zimma ho jaayen.
Kaṡrat se Durood shareef padhen.

Raat ko ba-wuzu soyen.

*****************
Eid ke din ghusl karna, miswaak karna, achhe kapde pehnna, khushboo lagaana aur musalmano ko ‘Eid Mubarak’ kehna aur khushi ka izhaar karna Sunnat hai.
Jawaab me ‘Eid mubarak’ kehne ke saath ye dua bhi kahen :
تَقَبَّلَ اللّهُ مِنَّ وَ مِنْكُمْ
TaqabbalAllāhu minna wa minkum
(ALLĀH hamare aur tumhare nek amal qabool farmae)

Eid-ul Fitr ke din eidgaah jaane se pehle kuchh mitha khaana sunnat hai.
Huzoor Rasool-Allāh sallallāhu alaihi wa sallam Eid ke din Taaq adad me (1, 3, 5 ya 7) khajoor khaa lete aur us ke baad hi namaaz ke liye tashreef le jaate.

Eid ke din namaaz e fajr mohalle ki masjid me padhen aur Eid-ul-Ad’ha ki namaaz Eidgaah me ada karen.
Namaaz e eid ke liye ek raaste se jaana aur namaaz ke baad dusre raste se waapas aana aur raaste me Takbeer e Tashreeq padhte rehna Sunnat hai.

Aur juloos me aur eidgaah me bin zaroori baaten karne se bachen aur Zikr o Durood padhte rahen.

Mo’min ko chaahiye is mubarak din me zyada se zyada Ibaadat aur Neki kare
Aur Zikr o Durood padhta rahe.
Aur Khairaat kare aur Ghareebo aur haajatmando ki imdaad kare taake wo bhi behtar tareeqe se Eid mana saken.

Aur tamaam musalmano ke liye dua e khair karen, Khaas kar un ke liye jinho ne dua ke liye kaha ho aur jin ke hum par ehsaan hain aur hum se jin ke huqooq ul ibaad me galti (gunaah) ho gaye ho.

*****************
Takbeer e Tashreeq :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾
Allāhu akbar Allāhu akbar
Laa ilāha illallāh
Wallāhu akbar Allāhu akbar
Wa lillāhil hamd.

Tarjuma :
ALLĀH sab se bada hai, ALLĀH sab se bada hai, ALLĀH ke siwa koi ibaadat ke laa’ik nahi,
Aur ALLĀH sab se bada hai, ALLĀH sab se bada hai,
Aur ALLĀH hi ke liye tamaam ta’areef hai.

Eidgaah jaate waqt aur waapas aate waqt raaste me ye Takbeer e Tashreeq padhte rahen.

*****************
Agar kisi ki Eid ke din ki Namaaz e Fajr chhut gai ho to pehle wo Namaaz e Fajr padh len aur us ke baad Eid ki namaaz padhen.
Lekin agar Eid ki namaaz ke liye jama’at ho rahi ho to pehle Eid ki namaaz padh len.

******************
Namaaz e Eid ka Tareeqa :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

Pehle Ba-wuzu Qibla ki taraf munh karke Saf me khade ho jaayen aur Namaaz e Eid ki Niyyat karen :
‘Niyyat ki maine 2 Rak’at namaaz Eid ul Fitr ki, Waajib, 6 Zaa’id Takbeero ke saath, Waaste ALLĀH ta’ala ke, Munh mera ka’aba shareef ki taraf, Pichhe is Imaam ke.’

Niyyat ke baad jab Imaam pehli Takbeer kahen to dono haath kaano tak uthaayen aur ‘Allāhu akbar’ kehkar phir haatho ko baandh len.
Phir Sana (Sub’hānakallāhumm) padhen.

Jab Imaam dusri Takbeer kahen to haatho ko kaano tak uthakar chhod den.
Phir jab Imaam teesri Takbeer kahen to haatho ko kaano tak uthakar ‘Allāhu akbar’ kehkar phir chhod den.
Jab Imaam chhothi Takbeer kahe to haatho ko kaano tak uthayen aur ‘Allāhu akbar’ kehkar phir haatho ko baandh len.

Phir Imaam saahab Surah al-Faatiha aur Qir’at padhen wo khaamoshi ke saath sune aur phir Imaam ke saath Rooku’ aur Sajde karke pehli Rak’at puri karen aur dusri rak’at ke liye khade ho jaayen.

Dusri rak’at me jab Imaam saahab Surah al-Faatiha aur Qir’at padhen wo khaamoshi ke saath sune aur phir Qir’at ke baad Rooku’ me jaane se pehle Imaam saahab Takbeer kahen to pehli Takbeer haatho ko kaano tak uthakar uthakar ‘Allāhu akbar’ kehkar chhod den.
Is ke baad jab Imaam saahab dusri Takbeer kahen to haatho ko kaano tak uthakar uthakar ‘Allāhu akbar’ kehkar phir chhod den.
Jab Imaam saahab teesri Takbeer kahen to haatho ko kaano tak uthakar uthakar ‘Allāhu akbar’ kehkar phir chhod den.
Jab Imaam saahab chothi Takbeer kahen to bagair haatho ko uthaaye sidhe uthakar ‘Allāhu akbar’ kehkar Rooku’ me chale jaayen.

Phir Imaam ke saath Rooku’, Sajde aur Qa’ada karke Salaam pherkar Namaaz mukammal karen.

Namaaz ke baad khaamoshi ke saath Khutba sune.
Khutba sunna Waajib hai.

Khutbe ke baad jab Imaam saahab Dua maange to Dua me saamil ho.

Is ke baad musalmano ko khushi ke saath Eid ul Fitr ki mubarakbaad dena aur milte waqt ye dua padhen :
Taqabbal Allāhu minna wa minkum.
(ALLĀH qubool farmae tumhari aur meri jaanib se).

Aur behtar hai ke eidgaah me jaha namaaz hoti hai us jagah ko chhod den aur waha se aage aakar musaafa aur muaneka karen.

*****************
Eid ki namaaz waajib hai.
Aur us ke liye Jama’at shart hai ya’ni agar kisi ki jama’at chhut jaaye to wo tanha Eid ki namaaz nahi padh sakta.

Agar dusri rak’at me saamil hua to Imaam ke salaam pherne ke baad apni pehli rak’at 3 takbeero ke saath tarteeb se padhkar namaaz mukammal kare
aur dusri rak’at me rooku ke baad saamil hua to salaam pherne ke baad dono rak’at 6 takbeero ke saath tarteeb se padhen.

***************
Eid ul Fitr ke din ki chand khaas ibaadat :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
♦ Eid ul Fitr ke din Namaaz e Zohar ada karne ke baad 8 rak’at nafl namaaz 2-2 karke padhen. Har rak’at me Surah al-Faatiha ke baad Surah al-Ikhlaas 25 baar padhen.
Namaaz k baad 70 baar Sub’hān Allāh, 70 baar Astaghfirullāh aur 70 baar Durood shareef padhen.
Phir apne liye aur tamaam ummat e Mustafa ke liye Dua e khair karen.

♦ Eid ke din 300 martaba ‘Sub’hān Allāhi wa bihamdi’ padhkar tamaam musalmano ko isaal e sawaab karen. In shaa Allāh ALLĀH ta’ala qabr me noor ata farmaega.
(Mukashafat ul Quloob, Safa -650)

▪▪► Jin ki namaazen Qaza ho gai hain wo pehle jitni mumkin ho utni Qaza namaaz padhen taake bariuz zimma ho jaayen.
Aur tauba karke ye pakka ahad karen ke aa’inda sab namaaz waqt par ada karne ki koshish karenge aur namaaz ke foyuz o barkaat haasil karte rahenge.
Nafl namaaz ka pura ṡawaab usi ko milta hai jo Farz namaaz waqt par ada karta hai aur pehle un namaazo ki qaza padh leta hai jo chhut gai hai.

5 waqt ki Qaza namaaz me Rak’at ki ta’adaad :
Fajr 2, Zohar 4, Asr 4, Maghrib 3, Isha 4, Witr 3.

*****************
♦ Sadqa e Fitr har Musalman, Aazaad, Maalik e nisaab par (jis ki nisaab haajat e asliya ke ilaawa ho) Waajib hai.
Sadqa e Fitr ke liye Roza rakhna ya Taraweeh padhna shart nahi. Agar kisi ne Roza na rakha ho ya Taraweeh na padhi ho tab bhi Sadqa e Fitr ada karna hoga.
Eid se pehle Sadqa e Fitr ada kar dena Sunnat hai.
Is liye agar Sadqa e Fitr dena baaqi ho to jald se jald ada karo aur ALLĀH ke bando ki madad karke Rab ta’ala ko raazi karo.

Sadqa e Fitr ka bayaan :

Sadqa-e-Fitr ka bayaan :

Aashiqaane Mustafa se guzarish hai ki
Is link ko open karke Post padhen aur Share karen.

*****************
ALLĀH ta’ala us ke Habeeb sallallāhu alaihi wa sallam ke sadqe me
Sab ko mukammal ishq e Rasool ata farmae aur in baato ko yaad rakhkar us par amal karne ki aur dusro ko batane ki taufiq ata farmae.
Aur Eid-ul Fitr me sahi tareeqe se zyada ibaadat karne ki aur is ke foyuz o barkaat haasil karne ki taufiq ata farmae aur hamare Roza, Namaaz, Zakaat, Sadqa, Tilawaat e Qur’an aur tamaam nek amal qubool farmae aur Sab ko dunya aur aakhirat me bhalai ata farmae aur Sab ki nek jaa’iz muraado ko puri farmae.
Aur Islaam ka bolbala ata farmae.
Aameen.

****************
For more posts Visit :

FikreUmmat.net Updating… .. .

Sadqa-e-Fitr ka bayaan :

Qur’an :
2 Surah al-Baqarah, Aayat 254 :

يَا أَيُّهَا الَّذِينَ آمَنُوا أَنْفِقُوا مِمَّا رَزَقْنَاكُمْ

Aye Eimaan walo, jo kuchh hum ne tumhe ata kiya hai us me se (ALLĀH ki raah me nek kaam me) kharch karo, is se pehle ke wo din aa jaaye jis me na koi khareed wa farokht hoga aur (munkiro ke liye) na koi dost hoga na sifaarish, aur ye kaafir hi zaalim hain.

Hadeeṡe Nabawi :

(1) Huzoor Rasool-Allāh sallallāhu alaihi wa sallam ne farmaaya ki :
‘Bande ka Roza aasmaan wa zameen me rooka rehta hai jab tak wo Sadqa e Fitr ada na kare.’
(Ibne Asaakir)

(2) Hazrate Ibne Umar radiy-Allāhu ta’ala anhu se riwaayat hai ki :
Huzoor Rasool-Allāh sallallāhu alaihi wa sallam ne farmaaya
‘Sadqa e Fitr Aazaad Mard, Aurat, Bache aur Budhe har musalman par waajib hai ek saa’a Jav ya Khajoor.’ Aur hukm farmaaya ki ‘Namaaz e Eid ke liye nikalne se pehle us ko ada kiya jaaye.’
(Bukhari;
Muslim)

(3) Hazrate Asma bint Abu Bakr Siddeeq radiy-Allāhu ta’ala anha se riwaayat hai ki :
Huzoor Rasool-Allāh sallallāhu alaihi wa sallam ne farmaaya
‘Maal ko thaili me band karke na rakhna warna ALLĀH ta’ala bhi us ke khazaane me tumhare liye bandish laga dega. Jaha tak ho sake logo me khairaat taqseem kiya karo.’
(Sahih Bukhari, Jild -2, Hadees -1434)

******************
Sadqa e Fitr ke baare me chand khaas baaten :
‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾
(1) Sadqa e Fitr har Musalman Aazaad Maalik e nisaab par (jis ki nisaab haajat e asliya ke ilaawa ho) Waajib hai.
Is me Aaqil, Baaligh aur Maal e naami hona ya’ni maal par saal guzarna shart nahi.

(2) Mard Maalik e nisaab par apni taraf se aur apne chhote bacho ki taraf se Sadqa e Fitr waajib hai, jab ke bacha khud Maalik e nisaab na ho.
Agar bacha Maalik e nisaab ho to us ka Sadqa e Fitr usi ke maal se diya jaaye.
Aur majnoon aulaad agarche baaligh ho us ka Sadqa e Fitr us ke baap par waajib hai jab ke Ghani na ho aur ghani ho to khud us ke maal se diya jaaye.
Aurat ya Baaligh Aulaad ka Sadqa e Fitr unke baghair izn (ijaazat) ada kar diya to ada ho gaya Ba-sharte ke Aulaad us ki Ayaal me ho ya’ni us ka Nafqa us ke zimme ho warna Aulaad ki taraf se bila ijaazat ada na hoga aur Aurat ne agar Shohar ka Sadqa e Fitr baghair hukm diya to ada na huwa.

(3) Agar baap na ho to baap ki jagah Daada par apne Yateem Faqeer Pote -poti ki taraf se us ka Sadqa e Fitr dena Waajib hai.
Maa par apne chhote Bachcho ki taraf se Sadqa e Fitr dena waajib nahi.

(4) Sadqa e Fitr Shakhs par waajib hai Maal par nahi. Lihaaza mar gaya to us ke maal se Ada nahi kiya jaayega. Haan, agar waariseen bataur ehsaan apni taraf se ada karen to ho sakta hai, un par koi jabr nahi aur agar wasiyat kar gaya hai to tihaai maal se zuroor ada kiya jaayega agarche waarasa ijaazat na den.

(5) Eid ke din Subah saadiq shuru hote hi Sadqa e Fitr waajib ho jaata hai.

Lihaaza Subah saadiq se pehle mar gaya ya faqeer ho gaya to us par Sadqa e Fitr waajib na hua.
Aur Subah saadiq shuru hone ke baad mara us par Sadqa e Fitr waajib hai.

Subah saadiq shuru hone ke baad jo Bacha paida hua ya jo Kaafir musalman hua ya jo Faqeer tha wo ghani hua us par Sadqa e Fitr waajib na hua.
Aur Subah saadiq shuru hone se pehle Bacha paida hua ya Kaafir musalman hua ya jo Faqeer tha wo ghani hua us par Sadqa e Fitr waajib hai.

(6) Sadqa e Fitr waajib hone ke liye Roza rakhna Shart nahi.
Agar kisi sharai Uzr ya’ni Safar, Marz (Beemaari), Budhaapa, Hamal aur bache ko doodh pilaana ki wajah se ya Ma’az ALLĀH Bila uzr Roza na rakha jab bhi Sadqa e Fitr waajib hai .

(7) Eid se pehle Sadqa e Fitr ada kar dena Sunnat hai.
Magar us ka waqt Umr bhar hai. Agar ada na kiya ho to zindagi me jab bhi ada karega ada ho jaaega. Us ki qaza nahi.
Aur ada na karne se Saakit na hoga. Baad me bhi ada karna hoga.

(8) Sadqa e Fitr ki Miqdaar :
Gehu ya us ka aata ya sattu – Nisf (aadha) saa’a (Ya’ani 2 kg 45 g),
Khajoor ya Munaqqa ya Jav ya us ka aata ya sattu – 1 Saa’a.
Gehu aur Jav mile hue ho aur Gehu ziyada hai to – Nisf Saa’a warna – 1 Saa’a.

Gehu aur Jav ke dene ke bajaay un ka Aata dena afzal hai ur is se afzal ye hai ke Qeemat de de, chaahe Gehu ki qeemat de ya Jav ki ya Khajoor ki.
Magar giraani (mehngaai) me in cheezo ko hi dena qeemat dene se afzal hai.
Aur agar kharaab Gehu ya Jav ki qeemat di to achhe ki qeemat se jo kami pade wo puri kare .

NOTE :
Saa’a ka wazan 351 Rupye bhar hai aur Nisf Saa’a ka wazan 175 Rupye Athanni bhar upar hai, Ya’ani Aaj ke wazan se Nisf Saa’a 2 kg 45 ya 50 g hai.

(9) Sadqa e Fitr ke Masaarif 6 hain :
[1] Faqeer – Ya’ni wo aadami jis ke paas kuchh maal ho magar itna na ho ke nisaab ko pahunch jaaye ya nisaab ke barabar ho to us ki haajate asliya me mustagarik ho.
[2] Miskeen – Ya’ni Jis ke paas kuchh na ho yaha tak ke khaane aur badan chhupane ke liye bhi uska mohtaaj hai ke logo se sawal kare.
[3] Ghaarim – Madyoon ya’ni jis par itna Dain (qarz) ho ke use nikaalne ke baad nisaab baaqi na rahe.
[4] Raqaab – Ya’ni Makaatib Ghulaam jo us maal se badle kitaabat dekar apni garden chhudakar aazad ho sake.
[5] Ibn-us-Sabeel – Ya’ni wo Musaafir jis ke paas safar ke dauraan maal na raha agarche ghar par maal maujood ho. Magar itna hi le jis se zaroorat puri ho jaaye, ziyada nahi.
[6] Fee sabeelillāh – Raah e khuda me kharch karna Ya’ni Taalib e ilm ko Ilm e deen sikhne ke liye ya Jihaad me jaane wale ko agar us ke paas saamaan na ho to.

Sadqa e Fitr ke Masaarif wahi hain jo Zakaat ke hain (siwa e Aamil ke, ki us ke liye Zakaat hai Fitra nahi).
Ya’ni jin ko Zakaat de sakte hain unhe Fitra bhi de sakte hain aur jinhe Zakaat nahi de sakte unhe Fitra bhi nahi de sakte.

(10) Ek Shakhs ka Sadqa e Fitr ek Miskeen ko dena behtar hai aur Chand masaakeen ko de diya jab bhi jaa’iz hai.
Yunhi ek Miskeen ko chand logon ka Sadqa e Fitr dena bhi jaa’iz hai, agarche sab Fitre mile hue ho.

(11) Kaafir ya Bad-mazhab ko Sadqa e Fitr nahi de sakte.

*****************
ALLĀH ta’ala us ke Habeeb sallallāhu alaihi wa sallam ke sadqe me
Sab ko mukammal ishq e Rasool ata farmae aur in baato ko yaad rakhkar us par amal karne ki aur dusro ko bataane ki taufiq ata farmae.
Aur Maah e Ramazaan ki ta’azeem karne ki aur is me sahi tareeqe se zyada ibaadat karne ki aur is ke foyuz o barkaat haasil karne ki taufiq ata farmae aur gunaaho se bachne ki taufiq ata farmae aur hamare Roza, Namaaz, Zakaat, Sadqa e Fitr, Tilaawat e Qur’an aur tamaam nek amal qubool farmae aur Sab ko dunya aur aakhirat me bhalai ata farmae.
Aameen.

****************
For more posts Visit :

http://fikreummat.net/