Hazrat Sayyed Ali akbar urfe Haaji Peer rahmatullāhi alaihi

Hazrat Sayyed Ali akbar urfe Haaji Peer rahmatullāhi alaihi :

Laqab :
‾‾‾‾‾‾‾‾
Shehanshaah e Kutch.

****************
Aap ki wilaadat Multan me hui.

Aap ke waalid ka naam Sayyed Mohsin Shaah hai.

*****************
Aap ko bachpan se ibaadat ka bada shauq tha. Aur Namaaz aur Roza ke paaband the.

Aap bade zaheen the.
Aap ne Qur’an, Hadees aur Tasawwuf ki taaleem haasil ki.

*****************
Kai saal tak aap Sultaan Shahaab-ud-deen Ghori ki fauj me rehkar Jihaad me saamil hote rahe.

Phir fauj ko chhodkar Faqr ikhtiyaar kiya aur apne bhai Sayyed Shahaab-ud-deen urfe Shaadi shah ke yaha hote hue Kutch ke Nara gaanv me tashreef laaye aur yahi sukoonat ikhtiyaar ki. Aur taalim e deen karte rahe aur logo ko faiz ata karte rahe.

Bhuj ke Raaja ko koi aulaad nahi thi. Us ne aap ki baargaah me aakar arz kiya. Aap ki dua se us ke yaha beta paida hua. Jab wo aap ka shukr ada karne ke liye aaya tab Hazrat ki khwaahish par us ne zameen ka wo hissa Hazrat ko bataure nazraana de diya.

****************
Aap ka mazaar Kutch (Gujarat) me hai.

Aap ka urs 4 Jamaadi us saani ko manaaya jaata hai.

****************
Aap ke aastaane par log Shareer jinn wa aaseb, jaadoo tona, junoon aur deemaaghi beemaariyo se najaat paane ke liye aate hain aur faiz haasil karte hain.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Sayyed Ali akbar urfe Haaji Peer rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.